POP 5

Lajmet më të lexuara të 5 minutave të fundit

Kultura

Ciceron/ Dhjetori festiv sjell dy shfaqje nga trupa e Maqedonisë së Veriut! ‘Gruaja e burrit tim’, komedia e Kiço Londos në teatrin e Durrësit

Art, kulturë dhe spektakël. “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

Dhjetori i festave vijon me Javën Teatrore të trupave të Maqedonisë së Veriut.  Mbrëmjen e 6 dhjetorit Teatri i Kumanovës do të sjellë shfaqjen “Letra”, në orën 20:00 në Teatrin Kombëtar.  Ndërsa më 7 dhjetor, në orën 20:00, Teatri i Tetovës do të ngjisë në skenë shfaqjen “Armiku i Popullit”.

“Linda” me regji të Violeta Banushit është shfaqja që rikthehet në datat 7, 8 dhe 9 dhjetor, në orën 19:00, në sallën e Universitetit të Arteve.

“Gruaja e burrit tim” është komedia me regji të Kiço Londos që do të shfaqet në skenën e teatrit “Aleksandër Moisiu” në Durrës më 7 dhe 8 dhjetor në orën 19:00.

Koncert nga Fatjeta Barbullushi dhe Agimi Band, i titulluar “Zani i dashnis” është ajo çfarë do të vijë në skenën e Teatrit “Migjeni” në Shkodër mbrëmjen e 7 dhjetorit, në orën 18:00.

Gjirokastra ndez dritat e festave mbrëmjen e kësaj të premteje në orën 18:00 në sheshin “Çerçiz Topulli”. Të pranishmit do të kenë mundësi të ndjekin një koncert festiv nga fëmijët e Qendrës Kulturore të Fëmijëve “Fato Berberi” dhe grupe të tjera muzikore.

Edhe këtë fundjavë vijon të mbahet Festivali Teatror për të Rinj, “Hapat”. Mbrëmjen e kësaj të premteje do të vijnë shfaqjet “Striptizë në det të hapur”, në orën 18:00 në sallën “Black Box” të  Universitetit të Arteve dhe “Në lindje të Berlinit” në orën 20:00 në Teatrin Kombëtar Eksperimental. Ndërsa më 7 dhjetor në orën 17:00, në sallën “Black Box” do të vijë shfaqja “Le Horla- Frikërat moderne”, për të vijuar në orën 20:00 me shfaqjen “1 kg shegë” në skenën e Teatrit Eksperimental “Kujtim Spahivogli”.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako