Muzika dhe kostumet e traditës shpalosen sot në orën 11.00 në Hollin Koncertor të Teatrit të Operas përmes shfaqjes “Folk-Koloraturë”

Studiuesja Lindita Rugova mban sot prej orës 10.30 në qendrën "Sotir Kolea" ligjëratën e hapur “Zhvillimi i studimeve gjuhësore në Kosovë - drejtime dhe rezultate”.

Akademiku Kujtim Shala do të diskutojë sot në orën 14.30 në qendrën "Sotir Kolea" të Bibliotekës Kombëtare mbi krijim, strukturën dhe ideologjinë e "Epi Lahuta e Malcis".

Festimet e 70-vjetorit të Operas nisin sot në orën 19.30 me Simfoninë nr.9 të Beethoven nën interpretimin e Solistëve, Korit dhe Orkestrës së Teatrit.

Festivali i Teatrit Shqiptar "Moisiu" shënon këtë mbrëmje finalen në  ArTurbina. Mbahet sot në orën 19.00 produksioni “Hana po fluturon” i Teatrit "Adriana" të Ferizajt, ndërsa në orën 21.00 në skenë shfaqet bashkëprodhimi Shqipëri-Kosovë- Maqedoni e Veriut, "Shtëpia e Zotit".

Në Vigjilje të Festës së Pavarësisë, Qendra për Hapje dhe Dialog dhe Albania  Silhouette Dance, shfaqin sot në orën 19.00 performanca të veçanta baleti nga balerinë të vegjël të talentuar.