POP 5

Lajmet më të lexuara të 5 minutave të fundit

Bota

Çifti i ri në Iran dënohet me 21 vjet burg, kërcyen në një vend publik

Irani njihet për dënimet e ashpra deri në dënim me vdekje kundër personave që nuk zbatojnë ligjet e shtetit islamik dhe i kundërvihen Policë së Moralit. Këtë herë, Irani ka dënuar me 21 vite burg një çift pasi ata kërcyen në një vend publik, pranë sheshit Azadi të Teheranit, gjë që është e ndaluar dhe e postuan më pas videon në rrjete sociale.

Çifti i ri në Iran dënohet me 21 vjet burg, kërcyen në një vend publik

çifti që u dënua në Iran

Irani njihet për dënimet e ashpra deri në dënim me vdekje kundër personave që nuk zbatojnë ligjet e shtetit islamik dhe i kundërvihen Policë së Moralit. Këtë herë, Irani ka dënuar me 21 vite burg një çift pasi ata kërcyen në një vend publik, pranë sheshit Azadi të Teheranit, gjë që është e ndaluar dhe e postuan më pas videon në rrjete sociale. Lajmi është bërë i ditur nga aktivistët që mbrojnë të drejtat e njeriut, siç janë raportuar edhe shumë dënime të tjera absurde për vendet perëndimore.

Çifti, i cili u arrestua në shtëpinë e tyre më 1 nëntor pas publikimit të videos, është dënuar secili me 10 vjet e gjashtë muaj burgim, dy vjet ndalim të përdorimit të internetit dhe dy vjet ndalim daljeje nga vendi. Në video, Haghighi shihet duke kërcyer pa hixhab, gjë që bie ndesh me kodin e veshjes për gratë në Republikën Islamike.

Vendimi u dha nga dega 15 e Gjykatës Revolucionare të Teheranit, e kryesuar nga Abolqasem Salavati, një gjykatës famëkeq i njohur për vendosjen e dënimeve të rënda ndaj individëve të perceptuar si kërcënim për Republikën Islamike. Çiftit iu mohua përfaqësimi ligjor gjatë procedurës, tha HRANA, duke cituar një burim të afërt me familjen e Haghighi. Autoritetet iraniane nuk kanë komentuar mbi rastin.

Vendimi i raportuar erdhi në mes të një goditjeje nga autoritetet kundër protestave disamujore kundër regjimit që filluan pas vdekjes në paraburgimin policor të gruas kurde iraniane Mahsa Amini më 16 shtator. Amini, 22 vjeçe, vdiq menjëherë pas arrestimit të saj nga policia morale e Teheranit, pasi dyshohet se nuk respektoi rregullat strikte të regjimit për hixhabin.

 

F.D/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça