Fatmiri dhe Fjona janë dy të rinj, që pas thuajse një dekade punë e studime, vendosën të lënë qytetin për të jetuar në fshat. Jo në një të zakontë, por Zhulatin, një fshat që qëndron mes maleve në periferi të Gjirokastrës.
Në podcastin “Flasim” të kryeministrit Edi Rama, ata treguan përpjekjet për të investuar në fshatin me pak banorë, që dikur jetonin paraardhësit e Fatmirit, duke e kthyer shtëpinë e fëmijërisë në qendër pritëse për turistë nga e gjithë bota.
Fatmiri rrëfen në bashkëbisedim me Ramën se si vendosën të kthehen në fshatin e tij të lindjes, në Zhulat pas përfundimit të studimeve në Tiranë së bashku me shoqen e tij, që sot është edhe bashkëshortja, pasi disa vitesh përvojë pune.
Për Fjonën, Zhulati ishte përshkruar si fshati më i bukur në botë nga Fatmiri. Por, kur mbërriti atje u përball me një shtëpi të vjetër, të mbuluar nga bari. Iu desh të ngrinin tendën dhe të flinin mbi tarracë, pasi shtëpia “ishte e frikshme të flije brenda”.
Ata vendosën ta pastronin, të investonin për ta bërë të banueshme dhe sot presin turistë që janë të apasionuar pas natyrës, maleve, pas udhëtimeve e që bëhen pjesë e jetesës së të zotit të bujtinës, duke u përfshirë në punë të shtëpisë, në kopsht, në kuzhinë.
Atyre sot iu janë dorëzuar çelësat e shtëpisë edhe nga shumë banorë të tjerë të fshatit Zhulat, banorë të cilët edhe ata migruan vite më parë drejt Gjirokastrës, Tiranës apo edhe shtegtuan jashtë. Sepse ata besojnë se shtëpinë e mban gjallë jetesa, njerëzit që jetojnë brenda.
"U desh shumë kohë për të marrë vendimin, 5 vjet ndoshta, kemi shkuar disa herë, për ta rikthyer shtëpinë e vjetër në vend ku të paktën mund të flije", tha Fiona.
"Mbasi vendosët të shkonit, kishit një plan për të bërë çfarë?", tha Rama.
Për ta vendosur fshatin në hartën e turizmit, mikpresim njerëz. Pashë që po të hidhje pak energji, pra po të hedhësh pak ushqim diku, mblidhen milingonat, kemi patur fatin të na vijnë njerëz me bicikleta, me kampera, me këmbë dhe rrijnë për një kohë të gjatë. Vijnë bujtin për një kohë të gjatë, një javë një muaj. Kemi patur ndihmën e një platforme, “Workaway”. Njerëzit e tjerë na kanë dhënë celësat e shtëpisë, e shohin si një vëmendje", tha Fatmiri.
I gjithë fshati ka rreth 100 shtëpi, të cilat kanë nevojë më tepër për vëmendje, sesa për ndërhyrje të mëdha. Kryeministri Rama tha se nevojitet një projekt për ta prezantuar këtë fshat dhe se ata mund të gjejnë mbështetje për ta promovuar.
“Ka gjithmonë më shumë kërkesë për këtë lloj turizmi. Ka edhe anën tjetër që në atë zonë turizmi është 12-mujor. Besoj se diçka e bukur do të ndodhë me ju atje. Jam i bindur që Zhulatin do ta bëni një destinacion të njohur për të gjithë shumë shpejt”, tha Rama.
Për turizmin malor, veçanërisht për mbështetjen e kthimit të shtëpive në bujtina për të mirëpritur turistë, kryeministri Edi Rama ka paralajmëruar se mbështetjen me “Paketën e maleve”.
Komente
Lajme të tjera
-
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
Atëherë të internonin në fshat me forcë, tash me propagandë e mashtrime
Përgjigju