E gjithë historia e serialit televiziv hit “Game of Thrones” jepet nëpërmjet një sixhadeje rreth 66 metra të gjatë, në ekspozitën që u çel në Bayex të Normandisë.
Sixhadja u krijua në Irlandën e Veriut, në njërin prej sheshxhirimeve të serialit që “çmendi” botën.
Rreth 30 endës punuan për gati 1.500 orë për thurjen e saj. Përmes figurave të qëndisura tregohet e gjithë historia e filmit, duke nisur me Mbretin Robert Baratheon teksa viziton Starks-ët në Winterfell.
Historia e treguar në sixhade mbyllet në frymën e serialit, me zjarr dhe gjak, ashtu si edhe skenat që shënjuan sezonin e tetë dhe final të tij.
Sixhadja e famshme origjinale e Bayeux, një vepër e shekullit të 11-të, rrëfen pushtimin norman të Anglisë.
Në të rrëfehet historia e pushtimit nga ai që do të ishte mbreti i ardhshëm William I, që shënoi kulmin në Betejën e Hastings dhe humbjen e Haroldit në vitin 1066.
Lajme të tjera
-
Aktori i ‘Game Of Thrones’ ndërron jetë në moshën 36-vjeçare
16 Gusht 2023, 21:33 -
Qytetet nëntokësore në mbarë botën e lashtë, midis miteve dhe realitetit
6 Shtator 2022, 18:16 -
Historia e pabesueshme, mjekja stomatologe heq 90% të stomakut për të arritur peshën ideale: 1 vit e gjysmë kam jetuar vetëm me lëngje frutash
19 Maj 2022, 13:26 -
Arkitekura, historia dhe inovacioni magjepsës i Afrikës
12 Tetor 2021, 03:09 -
Ana e errët e Ditës së të Dashuruarve
14 Shkurt 2020, 18:05
