POP 5

Lajmet më të lexuara të 5 minutave të fundit

Ekonomi

Çmimet e larta ulin fuqinë paguese të familjeve! BSH: 37% e tyre marrin boxh për konsum

Çmimet e larta dhe rritja e kostove të jetesës, ka përkeqësuar gjendjen financiare të familjeve, të cilat kanë marrë më shumë borxhe për konsum. Një vrojtim i bërë nga Banka e Shqipërisë nxjerrë në pah se shumica e familjeve me të ardhura deri në 50 mijë lekë, kanë ngarkesën më të lartë me borxh dhe se fuqia e tyre paguese është përkeqësuar

Situata financiare e familjeve shqiptare është përkeqësuar në gjashtëmujorin e parë të  këtij viti thotë banka e Shqipërisë për shkak se shpenzimet e tyre kanë rezultuar më të larta se të ardhurat si pasojë e çmimeve të larta.

Në vrojtimin e kryer mbi gjendjen financiare dhe huamarrjen e familjeve, thuhet se 24% e familjeve në momentin e anketimit kishin një borxh për të shlyer. Pjesa më e madhe e borxheve ishte marrë në burime formale, ndërsa pjesa tjetër ishte siguruar cash tek personat fizik apo marrë në formën e mallit të papaguar.

Shkaku kryesor që ka shtyrë familjet drejt borxhit ka qenë konsumi. Konkretisht 37% e familjeve morën hua për konsum, ndjekur nga 17% që kishin marrë borxh për blerje apo riparim prone dhe në fund 15% e huave ishte për zhvillim biznesi. Sipas bankës huamarrja për qëllim konsumi është rritur me 5% në krahasim me vitin e kaluar, e ndikuar nga kostot e shtuara të jetesës.

Për shkak se indeksi i shpenzimeve është më i lartë se ai i të ardhurave, rreth 47% e familjeve të anketuara thonë se aftësia e tyre paguese është përkeqësuar, 45% thonë se nuk ka ndryshuar dhe vetëm 8% thotë se situata e tyre është përmirësuar.

Pjesa më e madhe e familjeve huamarrëse rreth 47%, ka deklaruar të ardhura mujore në masën 17-50 mijë lekë, ndjekur nga 34% të familjeve me të ardhura 50-100 mijë lekë dhe 12% e familjeve kanë deklaruar të ardhura 100-200 mijë lekë.

Ndërkohë një e treta e familjeve thonë se kësti mujor i pagesës i tejkalon 30% të të ardhurave të tyre.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23