Çmimi i lartë i qershive, fermerët: Këtë vit s’ka prodhim

Droboniku, njihet ndryshe si ballkoni i Beratit, ku fermerët kanë kultivuar ndër vite dhjetëra hektarë me qershi. Tashmë është sezoni i vjeljes, por prodhimi është i pakët për shkak se nuk ka mbajtur mot i mirë në pranverë.

Çmimi i shumicës varion sipas cilësisë nga 200 deri në 300 lek për kilogram, ndërsa në tregun e pakicës qershitë shiten me 450 deri në 500 lek për kg.

“Këtë vit kemi prodhim të pakët por cilësor ndërsa për çmimin varion sipas  cilësisë. Qershia me cilësinë e mirë është qershia "bisht shkurtër" dhe qershia "nopolon" qershia italiane me shumicë shitet 3000 lekë kg. Ndërsa qershia me pak cilësi nuk shitet më shumë 1000 lekë/ kg (për industrinë). 

Një tjetër shqetësim është mungesa e krahut të punës. Siç na tregon ky çift fermerësh, qershitë i vjelin vetë dhe me mundim i nxjerrin në treg, pasi të rinjtë janë larguar në emigrim.

Të gjitha familjet në fshatin Drobonik e kanë bazuar ekonominë tek kultivimi dhe tregtimi i qershive. Shumica e prodhimit shkon në tregun vendas për konsum dhe një sasi më e vogël për industrinë e përpunimit të kompostove e reçelit. Për shkak të pozitës gjeografike dhe klimës në këtë fshat ka dhe vreshta me rrush e plantacione me ullinj.

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Atentat avokatit në Memaliaj, i shpëton breshërisë së kallashnikovit!

Atentat avokatit në Memaliaj, i shpëton breshërisë së kallashnikovit!