Në respektim të masave të marra për parandalimin e përhapjes së COVID-19, Këshilli i Lartë i Prokurorisë ka mbajtur ditën e sotme, mbledhjen plenare të radhës përmes platformës on-line.
Me propozimin e Komisionit Disiplinor, Këshilli vendosi me 7 vota pro dhe 2 kundër (Gent Ibrahimi dhe Nurihan Seiti) rrëzimin e kërkesës së Inspektorit të Lartë të Drejtësisë, për procedim disiplinor ndaj magjistrates Elina Kombi për shkak se faktet e pretenduara nuk përbëjnë shkelje disiplinore, pasi nga veprimet apo mosveprimet e prokurores, nuk konstatohet ardhja e ndonjë pasoje për palët në procedimin penal.
Metani kërkoi caktimin e një mase disiplinore ndaj magjistrates Elina Kombi e cila ishte prokurore e çështjes së Bilbil Hasanit i cili u vetëvra në paraburgim në 22 shkurt të 2020 pasi ishte arrestuar për vjedhjen e 1200 lekëve të reja. Babai i 4 fëmijëve zgjodhi t’i jepte fund jetës me një çarçaf në tualetin e burgut 313 në kryeqytet, teksa qendronte në paraburgim në pritje të vendimit të gjykatës.
Mbledhja është zhvilluar në prani të gjithë anëtarëve si dhe të përfaqësueseve të Ministrisë së Drejtësisë dhe programeve të asistencës për zbatimin e reformës në drejtësi, EURALIUS dhe OPDAT.
Vendimet e tjera të marra në mbledhje:
Me propozimin e Komisionit Disiplinor, Këshilli vendosi me 7 vota pro dhe 2 kundër (Gent Ibrahimi dhe Nurihan Seiti) rrëzimin e kërkesës së Inspektorit të Lartë të Drejtësisë, për procedim disiplinor ndaj magjistrates ____ për shkak se faktet e pretenduara nuk përbëjnë shkelje disiplinore, pasi nga veprimet apo mosveprimet e prokurores, nuk konstatohet ardhja e ndonjë pasoje për palët në procedimin penal.
Pas paraqitjes të raportit të përgatitur nga Komisioni i Vlerësimit të Veprimtarisë Etike dhe Profesionale, Këshilli i Lartë i Prokurorisë vendosi miratimin me 7 vota pro dhe 2 kundër (Gent Ibrahimi dhe Nurihan Seiti) të relacionit mbi verifikimin e pasurisë dhe figurës të kandidates znj. Oliana Gjergjefi dhe lejimin e kandidates për t’u pranuar në Programin e Formimit Fillestar të Shkollës së Magjistraturës, në vitin akademik 2020-2021.
Për dy kandidatura të tjera për këtë program, znj. Anjeza Kalanxhi dhe z. Shiqiri Manjani, Këshilli ka vendosur me 2 vota kundër ( Esmeralda Keshi dhe Alfred Balla ) dhe 7 vota pro për shtyrjen e miratimit të dy relacioneve për arsye se anetareve u nevojitej me shume kohe per tu njohur me dokumentat mbi të cilët janë hartuar këto relacione.
Këshilli vendosi me shumicë votash, të shpallë fillimin e procedurave për plotësimin e 28 vendeve vakante për Drejtues prokurorie, përmes procedurës së ngritjes në detyrë. Njoftimi i vendeve vakante si dhe kriteret që duhet të plotësojnë kandidatët do të publikohen në faqen zyrtare të institucionit.
Në vijim, Këshilli miratoi caktimin e përkohshëm të prokurores Dorina Bejko, prokurore në Prokurorinë pranë Gjykatës së Shkallës së Parë Pogradec, në funksionin e Drejtuesit të Prokurorisë pranë Gjykatës së Shkallës së Parë Pogradec dhe z. Lazër Çardaku, prokuror në Prokurorinë pranë Gjykatës së Apelit Shkodër në funksionin e Drejtuesit të Prokurorisë pranë Gjykatës së Apelit Shkodër për një periudhë tre mujore.
Pasi u njoh me raportet të përgatitura nga Komisioni i Vlerësimit të Veprimtarisë Etike dhe Profesionale, Këshilli i Lartë i Prokurorisë vendosi miratimin e raportit për analizimin e aftësive profesionale të subjektit të rivlerësimit kalimtar, prokurores Daniela Sulaj (Konica) dhe prokurorit Bardhyl Shehu. Një kopje e këtij raporti i dërgohet Komisionit të Pavarur të Kualifikimit dhe Operacionit Ndërkombëtar të Monitorimit.
Këshilli miratoi rregulloren mbi funksionimin e komisionit disiplinor në zhvillimin procedurave disiplinore ndaj prokurorëve, e cila ka për qëllim të përcaktojë rregulla të detajuara duke saktësuar procedurën që zbaton Komisioni Disiplinor dhe Këshilli i Lartë i Prokurorisë, në funksion të zhvillimit të procedurave disiplinore, të filluara nga Inspektori i Lartë i Drejtësisë, ndaj magjistratëve prokuror në Republikën e Shqipërisë, sipas ligjit Për statusin e gjyqtareve dhe të prokurorëve në Republikën e Shqipërisë i ndryshuar dhe rregulloren për transferimin e prokurorëve nëpërmjet procedurës së lëvizjes paralele, e cila të përcakton rregulla të detajuara për kriteret dhe procedurën që zbaton Këshilli i Lartë i Prokurorisë për vlerësimin dhe renditjen e prokurorëve që kandidojnë për transferim nëpërmjet procedurës për lëvizje paralele, sipas ligjit Për statusin e gjyqtareve dhe të prokurorëve në Republikën e Shqipërisë” i ndryshuar.
Lajme të tjera
-
Zvarriti dosjen 3 vjet/ ILD kërkoi ulje me 40% të pagës për prokurorin e Shkodrës, KLP jep vetëm vërejtje
29 Tetor, 12:39 -
Shorti i tretë zgjidh ngërçin për vakancat në KLGJ dhe KLP
8 Tetor, 21:07 -
Institucionet e tjera të drejtësisë refuzuan, KLP caktoi dy anëtarë për te ‘Antikorrupsioni’
4 Tetor, 15:29 -
Institucionet e drejtësisë refuzojnë komisionin ‘Antikorrupsion’, vetëm KLP cakton dy anëtarë! Prokuroria e Përgjithshme dhe KLGJ nuk marrin pjesë: Gati të japim opinion
4 Tetor, 11:10 -
KLP miraton drejtuesit e 3 prokurorive në Berat, Shkodër dhe Elbasan
30 Shtator, 21:10 -
Ekskluzive/ 6 mijë e 589 qytetarë vendosën drejtësi! Ndihmuan vettingun të fundosë gjyqtarët e prokurorët e korruptuar
17 Gusht, 15:43
-
Largoi prokuroren nga hetimi pa pëlqimin e saj, KLP rrëzon vendimin e kreut të Prokurorisë së Sarandës
16 Gusht, 17:37
-
2 prokurorë të rinj për SPAK! KLP “ok” Jellës dhe Maksutit, Tavani u skualifikua! Shkresë KLP: Dua proces të rregullt
31 Korrik, 15:12 -
KLP, betohen 23 prokurorë të rinj, nisin punën në prokuroritë e rretheve (EMRAT)
29 Korrik, 13:23 -
Vettingu ‘zbraz’ Prokurorinë e Elbasanit, 6 hetues nga 20! Dhoma e Avokatisë: Të merren masa
21 Korrik, 14:41
-
Shorti i tretë përzgjedh anëtarët e KLGJ dhe KLP nga avokatia (EMRAT)
16 Korrik, 15:11 -
‘Drejtësia’ nesër në Kuvend! Altin Dumani para deputetëve prezanton raportin e SPAK
14 Korrik, 11:56
