POP 5

Lajmet më të lexuara të 5 minutave të fundit

Bota

Conte paralajmëron një mbyllje të mundshme gjatë festave të fundvitit: E gjithë Italia drejt zonës së kuqe

Kryeministri i Italisë Giuseppe Conte paralajmëron një mbyllje të mundshme të Italisë gjatë krishtlindjeve dhe vitit të ri. Italia është shndërruar e gjitha në një “zonë të kuqe”, vatër infeksioni dhe në rrezik për të filluar një valë të tretë të COVID-19.

Conte paralajmëron një mbyllje të mundshme gjatë festave të fundvitit: E gjithë Italia drejt zonës së kuqe

Giuseppe Conte

ITALI- Kryeministri i Italisë Giuseppe Conte paralajmëron një mbyllje të mundshme të Italisë gjatë krishtlindjeve dhe vitit të ri. Italia është shndërruar e gjitha në një “zonë të kuqe”, vatër infeksioni dhe në rrezik për të filluar një valë të tretë të COVID-19.

Hipoteza që po shqyrtohet aktualisht nga Conte, është të homogjenizojë masat dhe rregullat në të gjithë vendin.

Homogjenizimi dhe shtrëngimi do të konsistojë në ndalimin e lëvizjes së qytetarëve gjatë Krishtlindjeve, festat e tjera të fundvitit dhe në datën 1 janar, duke përbërë përjashtim vetëm lëvizja mes komunave të vogla. Do të qëndrojnë të mbyllura gjithashtu edhe vendet e argëtimit të cilat grumbullojnë njerëz, baret, restorantet, pastiçeritë dhe dyqanet dhe ndoshta do të shoqërohet edhe me një shtetrrethim.

“Ne të gjithë kemi qenë të përfshirë në betejën kundër Covid-19 për shumë muaj, me sakrifica të mëdha dhe të vogla. Komuniteti ynë kombëtar, përkundër një mijë vështirësive, ka arritur të tregojë një frymë të fortë kohezioni dhe një ndjenjë të madhe përgjegjësie. Unë jam i bindur se ne do të vazhdojmë ta tregojmë këtë qëndrueshmëri edhe në javët në vijim, me rastin e festave të Krishtlindjeve. Ne duhet të vazhdojmë të angazhohemi dhe të qëndrojmë vigjilent për të luftuar ngjitjen ", shkruan kryeministri Giuseppe Conte.

Vendimi përfundimtar do të merret ditën e sotme nga komiteti teknik i ekspertëve. Por me sa duket hipotezat për ndryshimin e dekretit nuk qëndrojnë, pasi situata pandemike në vend paraqitet serioze dhe kritike, ndaj është momenti për shtrëngimin e masave anti-COVID edhe përse gjatë periudhës së festave.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce