COVID 19/ Gjermania redukton hyrjen në vend vetëm për 11 shtete, refuzohet Serbia

COVID 19/ Gjermania redukton hyrjen në vend vetëm për 11 shtete, refuzohet Serbia

Foto ilustruese

TIRANË- Duke filluar nga nesër qytetarë nga 11 vende joanëtare të BE-së mund të shkojnë në Gjermani pa kufizime, ndërkohë që për vendet e tjera, këto lehtësime janë me rezerva, njoftoi tagesschau.de. Në listë nuk janë Turqia dhe SHBA, por as Serbia, Ruanda apo Algjeria.

Sipas vendimit të qeverisë gjermane, kjo vlen për qytetarët nga Australia, Gjeorgjia, Kanadaja, Mali i Zi, Zelanda e Re, Tajlanda, Tunizia dhe Uruguaji. Për Japoninë, Korenë e Jugut dhe Kinën, lehtësimi vlen me reciprocitet, pra nëse këto vende gjithashtu lejojnë gjermanët të hyjnë përsëri. ”Lehtësimet do të hyjnë në fuqi nesër”, njoftoi Ministria Federale e Brendshme.

Qeveria Federale në këtë mënyrë bazohet kryesisht në një vendim të vendeve anëtare të BE-së. Lista do të rishikohet çdo dy javë. Ekzistojnë gjithashtu mundësi të gjera hyrëse për qytetarët nga të gjitha vendet jashtë BE-së, të cilët kanë një arsye të rëndësishme për të udhëtuar. Këta mund të jenë gjermanë ose njerëz me të drejtë banimi në Gjermani, punëtorë sezonalë në bujqësi, marinarë ose pasagjerë në trafikun tranzit.

Në të ardhmen, numri i infeksioneve të reja me Covid-19 do të jetë vendimtar për lehtësimin e kufizimeve të hyrjes. Për më tepër, trendi për të njëjtën periudhë dhe mënyra se si shteti përkatës merret me pandeminë duhet të luajë një rol. Për udhëtarët nga zonat me rrezik të lartë, një detyrim 14-ditor i karantinës vazhdon të zbatohet nëse ata nuk kanë një rezultat negativ të testit për virusin./Lexo

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri