POP 5

Lajmet më të lexuara të 5 minutave të fundit

Shëndeti

Bota

Covid/ Bota tejkalon 35.2 milionë të prekur nga infeksioni! Në Itali, 2257 raste të reja dhe 16 vdekje

Rusi, shkon në mbi 1 milion e 225 mijë numri i të prekurve

Covid/ Bota tejkalon 35.2 milionë të prekur nga infeksioni! Në Itali, 2257 raste të reja dhe 16 vdekje

Numri i njerëzve të infektuar me koronavirus në botë ka tejkaluar 35.2 milionë kurse vdekjet janë 1,037,887.

SHBA-ja ka regjistruar gjatë 24 orëve të fundit 883 raste të reja infeksioni dhe 13 viktima. Me këto shifra totali i të identifikuarve me Covid që prej fillimit të pandemisë është rritur në 7 637 795 kurse numri i përgjithshëm i viktimave është rritur në 214 624

Në Brazil kishte 365 viktima në 24 orët e fundit dhe 8,456 të infektuarit e rinj. Në Meksikë u regjistruan 208 viktima dhe 3712 raste të reja

Rusi, shkon në mbi 1 milion e 225 mijë numri i të prekurve 

Numri i rasteve me COVID-19 në Rusi ka arritur në 1.225.889 ndërsa bilanci i viktimave në 21.475. Qendra për Kontrollin dhe Parandalimin e Infeksioneve të Koronavirusit njoftoi se me 10.888 raste të reja, numri i rasteve ka arritur në 1.225.889 ndërsa me 117 vdekje në 24 orët e fundit numri i viktimave në 21.475.

Ndërkohë numri i të shëruarve ka arritur në 982.324 me 3.181 të shëruar në 24 orët e fundit.

Norma e rritjes ditore e numrit të rasteve në Rusi është 0,9 për qind dhe tek 26,3 për qind e rasteve të reja nuk janë vërejtur simptoma.

Rendit zhvillimet sipas orarit:
Ora 18:06
Covid ‘lulëzon’ në Mbretërinë e Bashkuar...Kaos shifrash në Rusi/ Totali i vdekjeve më shumë se dyfishi i numrit të raportuar zyrtarisht

Infeksionet e koronavirusit duket se ‘po lulëzojnë’ në Mbretësinë e Bashkuar.

Gjatë 24 orëve të fundit në vend u regjistruan mbi 12 590 raste të reja dhe 19 viktima.

Shifrat e fundit u azhornuan pas një dite kaosi në akuzash, nga e cila doli se rreth 16,000 raste Covid midis 25 shtatorit dhe 2 tetorit nuk ishin numëruar.

Statistikat nga qeveria ruse tregojnë se më shumë se në Rusi kanë humbur jetën, që prej fillimit të pandemisë rreth 45 mijë pacientë Covid.

Shifra e re është më shumë se dyfishi i numrit të vlerësuar nga task forca Covid-19.

Sipas agjencisë shtetërore të statistikave Rosstat, 45,763 njerëz të diagnostikuar me Covid-19 vdiqën midis prillit dhe gushtit në Rusi.

Por task forca kombëtare, e cila mbledh shifrat ditore bazuar në të dhënat e raportuara nga qendrat rajonale të krizës, thonë se numri i përgjithshëm të vdekjeve është 21,475.

Pra, më pak se gjysma e totalit pesë mujor të Rosstat.

Ora 17:15
Covid/ Spanja regjistron mbi 810 mijë raste infeksioni! Infermierët protestojnë për kushtet e vështira të punës

Në Spanjë, pandemia po vë në presion personelin mjekësor, të cilët kanë protestuar sot për të tërhequr vëmendjen për kushtet e vështira të punës.

Në veçanti infermierët denoncojnë mos rinovimin e kontratës për 10,000 kolegë të tyre të punësuar në valën e parë të pandemisë, një situatë që shpesh i detyron ata të heqin dorë nga ditët e pushimit dhe të punojnë me turne të dyfishta, me rrezikun e pezullimit nga puna për një vit nëse nuk respektohen këto kushte.

Rreziku i infektimit i shtohet gjithashtu mbingarkesës së punës. Punonjësit e qendrave shëndetësore kalojnë deri në 14 orë në ditë në punë, duke pasur kontakte me dhjetëra pacientë.

Sindikatat bënë thirrje për një grevë të mërkurën, duke kërkuar gjithashtu punësimin e punonjësve të rinj shëndetësorë për të përmbushur nevojat.

Sipas sindikatës, rajoni i Madridit ka 3.8 infermierë për një mijë banorë, larg 5.7 që është mesatarja spanjolle ose 8.8 mesatarja e vendeve të OECD, ku Spanja është në pozicionin e fundit. Sipas sindikatës duhen 12,000 infermierë më shumë.

Spanja deri tani numëron 810 807 raste Covid dhe 32 086 viktima

Ora 17:00
Covid në Itali/ Regjistrohen 2257 të infektuar dhe 16 viktima në vetëm një ditë

 Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 16 viktima nga koronavirusi.

Totali i vdekjeve që nga fillimi i emergjencës shëndetësore është rritur në 36 002

Gjithashtu autoritetet e shëndetësisë raportuan se sot u regjistruan edhe 2257 raste të reja pozitiv, për një total prej 327.586 të prekurish nga Covid prej fillimit të pandemisë

Numri i pacientëve të shëruar në total është 232 681

Në Rajonin e Lombardisë gjatë 24 orëve të fundit u raportua për 2 viktima dhe 251 raste të reja pozitive.

Italia pritet ti nënshtrohet masave të reja që qeveria italiane përmes një dekreti të ri, i cili do të shkojë të martën në parlament për të marrë dritën jeshile, synon të frenojë përhapjen në shkallë të gjerë të infeksionit të Covid.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46