Covid/ Britani e Madhe përsëri sot mbi 4000 raste infeksioni...regjistrohen edhe 11 viktima

Në Mbretërinë e Bashkuar sot u regjistruan më shumë se 4000 raste të reja infeksioni.

Kjo raportohet nga të dhënat e azhornuara të lëshuara nga qeveria britanike, sipas të cilave aktualisht ka 4368 raste të tjera, ndërsa numri i vdekjeve ishte 11.

Sipas autoriteteve, totali i të prekurve nga infeksioni i koronavirusi është rritur në 398 625 që prej filimit të pandemisë kurse totali i viktimave ka shkuar në 41 788

Ndërkohë, një mbledhje ad hoc e komitetit të emergjencave të qeverisë Cobra është thirrur për nesër, kushtuar masave të ardhshme që do të merren në përpjekje për të frenuar përhapjen e pandemisë.

Mbretëria e Bashkuar është në "një pikë kthese" ku "masa edhe më shumë kufizuese" mund të futen për të ngadalësuar përhapjen e Covid-19. 

Kjo u njoftua nga Sekretari Britanik i Shëndetësisë, Matt Hancock. 

"Njerëzit u relaksuan gjatë verës," shpjegoi ai, por "tani është koha që të gjithë ti rikthehen rregullave".

Ai gjithashtu tha se po shikohet mundësia që edhe Londra të përfshihet nga bllokimi.

Kryeministri Boris Johnson tha dy ditë më pare se Britania e Madhe po përballet me valën e dytë të Covid-19.

Lajmi kryesor:

Covid/ Në Itali regjistrohen 1350 raste të reja dhe 17 viktima! Gjysma e Francës shpallet 'Zonë e Kuqe'…31 milionë të prekur nga infeksioni në botë

TAG:
• Rusi
• Brazil
• Indi
• pandemi
• covid