Covid/ Kosova regjistron 85 raste të reja dhe 5 viktima! Në Serbi 36 pozitivë dhe 1 vdekje në 24 orë

Sipas Institutit Kombëtar të Shëndetësisë Publike të Kosovës, gjatë 24 orëve të fundit në vend janë regjistruar 85 raste të reja të infeksionit Covid, 5 viktima dhe 97 të shëruar

Sipas autoriteteve, numri i përgjithshëm i të identifikuarve me Covid që prej fillimit të pandemisë është rritur në 14.204 kurse totali i vdekjeve ka shkuar në 568.

Totali i të shëruarve është rritur në 10.643 raste

Kosova po vazhdon që të përballet me infeksionin e COVID-19. Megjithatë në javët e fundit numri i rasteve të infeksionit, sipas autoriteteve, duket se është ulur.

Por shqetësues vazhdon të mbetet numri i personave që nuk po arrijnë që ta mposhtin këtë infeksion.

Ndërkohë ata që po kërkojnë trajtim në spital i takojnë grupmoshës së re. Në tre muajt e fundit mosha mesatare e atyre që kanë pasur komplikime shëndetësore nga Covid 19 ka variuar prej 4 - deri në 50 vjeç.

Infektologu i QKUK’së në Prishtinë, prof Salih Ahmeti ka deklaruar sot se ‘Vjeshta mund të risjellë sërish përkeqësim të situatës, pasi në këtë periudhë do shfaqet edhe gripi sezonal dhe gjithashtu shkollat do të jenë të hapura’

Në Serbi gjatë 24 orëve të fundit janë regjistruar 36 raste të reja infeksioni dhe 1 viktimë. Sipas autoriteteve, totali i rasteve Covid ka shkuar në 31 941 kurse numri i përgjithshëm i viktimave 725

TAG:
• kosova
• kosova
• kosova
• kosova
• serbia
• Ballkan
• Koronavirus
• pandemi