Disa vende të BE-së, Sllovenia, Holanda, Letonia dhe Çekia kanë vendosur të lehtësojnë masat anti-COVID, duke shmangur karantinimin i cili më herët ishte i detyrueshëm për qytetarët që futeshin në territorin e tyre.
Ndërsa Kuvajti, ka rihapur aeroportin për udhëtimet ndërkombëtare, për herë të parë pas dy viteve. Rregullat për udhëtimet drejt këtij shteti për pasagjerët që janë plotësisht të vaksinuar nuk kërkohet test PCR as para udhëtimit as kur mbërrijnë, dhe nuk ju kërkohet më të qëndrojnë në karantinë pas mbërritjes.
Holanda
Duke nisur nga data 25 shkurt, të gjithë qytetarët e vendeve jashtë BE-së që duan të udhëtojnë drejt Holandës, nuk janë të detyruar të vetëkarantinohen. Mësohet se dokumenti i nevojshëm për të udhëtuar drejt Holandës është certifikata e vaksinimit si dhe një test negativ për COVID-19 (PCR ose antigjen). Testi negativ PCR nuk duhet të jetë më i vjetër se 48 orë para udhëtimit, ndërsa testi negativ antigjen nuk duhet të jetë më i vjetër se 24 orë përpara nisjes.
Sllovenia
Qytetarët që udhëtojnë drejt Sllovenisë, ose përmes territorit të Sllovenisë në një vend tjetër, nuk kërkohet që në pikat e kalimit kufitar të tregojnë përmbushjen e kushtit RTV (kaluar sëmundjen/testuar/vaksinuar). Qytetarët që udhëtojnë për në Slloveni, nuk do të jetë e nevojshme që t’i nënshtrohen karantinimit, përveç rastit kur kanë simptoma të infektimit. Për arsye se rreziku i infektimit me Covid-19 është ende i pranishëm, rekomandohet që kur planifikohet një udhëtim duke kaluar tranzit në territorin e Sllovenisë, të monitorohet, të njihen kushtet e hyrjes dhe të përmbushen kushtet e përcaktuara në vendin e destinacionit.
Letonia
Ministria për Evropën dhe Punët e Jashtme njofton se duke filluar nga data 1 mars 2022, për udhëtimet jo thelbësore drejt Letonisë do të kërkohet vetëm një certifikatë digjitale e BE-së për COVID-19 ose një rezultat negativ i testit për Covid-19. Nuk aplikohet karantinë dhe nuk kërkohet sistemi i regjistrimit të covidpass.lv.
Çekia
Për të hyrë në Republikën Çeke, udhëtarët nga të gjitha vendet, pavarësisht shkallës së rrezikut të infeksionit Covid-19, duhet të jenë pajisur me formularin e mbërritjes së pasagjerit online: https://plf.uzis.cz/, përveç fëmijëve nën moshën 12 vjeç. Certifikatë të vlefshme vaksinimi, ose certifikatë që janë shëruar nga Covid-19, ose një test negativ PCR (i 72 orëve të fundit) ose antigjen (kryer 24 orët e fundit).
Kuvajti
Kurse Kuvajti ka rihapur aeroportin për udhëtimet ndërkombëtare, për herë të parë pas dy viteve. Rregullat për udhëtimet drejt këtij shteti për pasagjerët që janë plotësisht të vaksinuar nuk kërkohet test PCR as para udhëtimit as kur mbërrijnë, dhe nuk ju kërkohet më të qëndrojnë në karantinë pas mbërritjes. Pasagjerëve pjesërisht të vaksinuar nuk u kërkohet të bëjnë test PCR para udhëtimit, por duhet të qëndrojnë në karantinë për 7 ditë, ose të bëjnë një test PCR sapo të mbërrijnë. Pasagjerët e pavaksinuar duhet të bëjnë një test PCR 72 orësh para mbërritjes. Ata duhet të qëndrojnë në karantinë për 7 ditë dhe do lejohen të dalin nga karantina vetëm nëse testi rezulton negativ. Këto procedura nuk përfshijnë fëmijët e moshës nën 16 vjeç.
Lajme të tjera
-
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Bregu: SEPA në Ballkan, një hap i madh drejt BE
22 Nëntor, 09:25 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Von der Leyen i shpëton jetën pasagjerit në avion
21 Nëntor, 16:31 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
