Covid, prokuroria franceze heton shtetin: A ka patur ‘vrasje me vullnet’ të pacientëve me koronavirus?

Pandemia ka goditur edhe anën tjetër të Alpeve, Francën ku gati 30 mijë njerëz vdiqën për shkak të infeksionit nga koronavirusi që tronditi botën, Covid-19.

Po a mund të kishin shkuar gjërat ndryshe? Kjo është pyetja që sot po qarkullon, aq shumë sa një prokuror i Parisit, Remi Heitz, ka zgjedhur të kryej atë që në zhargon quhet Hetim Paraprak, një hetim i mundimshëm, i cili synon të mos lërë asgjë të pazgjidhur. Le ta sqarojmë që në fillim se Emmanuel Macron është i sigurt: sistemi politiko-kushtetues francez parashikon që qiramarrësi i Elysees gëzon imunitet të veçantë. Emmanuel Macron, pra, ka pak ose aspak lidhje me vendimin e prokurorit. Por efektet e hetimit mund të ndikojnë në opinionin public dhe çdo politikan duhet ta marrë parasysh gjithmonë.

Gjykata Transalpine e Drejtësisë tashmë ka pranuar 80 ankesa nga qytetarë francezë dhe bluzat e bardha. Gjatë muajit mars, një grup prej rreth 600 punonjësish shëndetësorë akuzuan kryeministrin makronist Philippe dhe ministrin e shëndetësisë dhe janë shprehur se pandemia nga ana e autoriteteve mund të trajtohej ndryshe.

Prokurori Remi Heitz do të hetojë  nëse shteti francez ka gënjyer qytetarët e saj në ludhje me pandeminë, çfarë shteti ka mbajtur të fshehtë si dhe do të përcaktojë përgjegjësitë e gjithsecilit për ‘fiaskon shëndetësore’(siç e quajnë 600 mjekët ankues) që shkaktoi kaq shumë viktima.

Hetimi synon të kuptojë, për shembull, nëse ka elementë të cituar si "vrasje me vullnet” apo "rrezikim i jetës së të tjerëve". 

TAG:
• france
• Emmanuel Macron
• covid
• Gjykata Transalpine e Drejtësisë
• Remi Heitz
• Prokuroria franceze