Covid, Spanja fillon të rihapet pjesërisht edhe pse vdekjet janë mbi 25,000

Spanja tejkaloi sot 25,000 viktima nga koronavirusi pasi në 24 orët e fundit u regjistruan 276 vdekje.  

Në mes të këtyre numrave të tmerrshëm, një fakt pozitiv është se, për të tretën ditë radhazi, vdekjet janë më pak se 300.

Njerwzit shprehen se "Ka kufizime shumë të rënda, por ne duhet të ndjekim udhëzimet e ministrisë së shëndetësisë. Sigurisht që na mungon liria, por kur të mbarojë e gjithë kjo do të ndjehemi edhe më mirë".

Në Spanjë deri tani numri i personave të identifikuar pozitive nga Covid është 213 435.

Megjithatë Spanja ka arritur të shërojë pjesën më të madhe të pacientëve të saj. 132,929 persona e kanë kaluar sëmundjen dhe aktualisht janë vetëm 79,695 të infektuar aktivë ndërsa një spital i improvizuar gjatë pikut të pandemisë në Madrid, u mbyll

Të martën, Kryeministri Pedro Sanchez përpiloi një plan me katër faza për heqjen e masave, me synim rikthimin në normalitet nga fundi i qershorit, kur do të hapen edhe plazhet. Sidoqoftë, zona të ndryshme të vendit do të ecin me shpejtësi të ndryshme përmes fazave, në varësi të shkallës së zhvillimit të infeksionit dhe kritere të tjera, si qëndrimi karshi rregullave të distancimit social. 

Lajmi kryesor:

Italia 282 viktima pa regjistruar nga prilli, rritet numri i të shëruarve! Dritë jeshile për përdorimin e ilaçit remdesivir

TAG:
• SHBA
• Kina
• koronavirusi
• covid