Sipas Institutit Kombëtar të Shëndetësisë Publike të Kosovës, gjatë 24 orëve të fundit në vend janë regjistruar 78 raste të reja të infeksionit Covid. Kjo është shifra më e ulët e regjistruar në dy javët e fundit. Gjithashtu pati edhe 9 viktima nga Covid
Sipas autoriteteve, numri i përgjithshëm i të identifikuarve me Covid që prej fillimit të pandemisë është rritur në 13.791 kurse totali i vdekjeve ka shkuar në 548.
Gjatë 24 orëve të fundit, janë shëruar edhe 190 pacientë teksa numri i përgjithshëm i tyre deri më sot është gjithsej 10.113 kurse numri i rasteve aktive është 3.130
Në Serbi gjatë 24 orëve të fundit janë regjistruar 95 raste të reja infeksioni dhe 2 viktima
Sipas autoriteteve, totali i rasteve Covid ka shkuar në 31676 kurse numri i përgjithshëm i viktimave 718.
Maqedonia e Veriut ka raportuar për 162 raste të reja infeksioni dhe asnjë vdekje Covid gjatë 24 orëve të fundit.
Sipas autoriteteve në vend, totali i të identifikuarve pozitiv me koronavirus është rritur në 14 762 për një total prej 606 viktimash që prej fillimit të pandemisë, kurse numri i të shëruarve ka shkuar në më shumë se 11 950
Sllovenia ka raportuar sot për 53 raste të reja infeksioni dhe asnjë viktimë Covid.
Sipas të dhënave të Universitetit Johns Hopkins, totali i të prekurve nga koronavirusi është rritur në 3032 kurse numri i përgjithshëm i viktimave mbetet 134. Gjithashtu në vend të shëruarit numërohen në 2402.