Që prej fillimit të pandemisë në vendin tonë rreth 100 fëmijë janë shtruar në repartin COVID në Pediatrinë e QSUT. Shefja e këtij shërbimi, Gjeorgjina Kuli tregon për Report Tv se koha e qendrimit në spital mesatarisht varion nga 10 ditë deri në dy javë.
“Numri i fëmijëve të shtruar nuk ka qenë i lartë, rreth 100 që nga fillimi i epidemisë . Gati 50% e rasteve të shtruara kanë qenë me atë që quhet sindromi sistemik inflamator pra që ka prekje të aparateve të ndryshme të organizmit nga përgjigjia inflamtore e ekzagjeruar e covidit. Mesatarisht kanë qendruar 10 ditë deri në dy javë të hospitalizuar”- u shpreh Gjeorgjina Kuli.
Momentalisht në repartin COVID të pediatrisë janë të shtruar 10 fëmijë.
“Momentalisht kemi të shtruar 10 fëmijë. 8 fëmijë me tamponë pozitiv dhe 2 fëmijë me pasoja kur është negativizuar tamponi. Moshat kane qenë të ndryshme që nga bebe fare e vogël bebe 1 muajsh të cilët janë infektuar nga nënat pozitive deri në moshën 13-14 vjeç. Por sindromën inflamatore më shumë e kemi parë tek fëmijët mbi moshën10 vjeç”- tha Profesoreshë Kuli.
Profesoreshë Gjeorgjina tregon se gjatë kësaj periudhe 10 mujore 4 fëmijë janë intubuar.
“Moshat nën 10 vjeç kanë qenë pozitiv mund të jenë shoqëruar me bronkopneumoni me pamjaftueshmëri të frymëmarrjes në shkallë të ndryshme, por deri tani shumë pak fëmijë, 3 ose 4 fëmijë kanë kërkuar intubim prej të cilëve tre kanë dalë nga intubimi dhe janë shëruar”- tregoi shefja e shërbimit infektiv në Pediatri.
Kuli njëkohësisht anëtare e Komitetit Teknik të Ekspertëve shpjegon se shkollat janë një nga pikat e nxehta që ndiqen me kujdes.
“Janë disa probleme zinxhir që janë të lidhura pikërisht me frekuentimin e shkollës por ne nisemi nga shifrat dhe përderisa ka pasur disa grumbullime në lidhje me fundvitin, ne kemi lënë një periudhë që janë këto dy javët e para, për të ndjekur se si do të jetë tendenca dhe incidenca e infeksionit në grupmoshat e ndryshme dhe pastaj do të vendosim se çfarë do të bëhet”- shpjegoi Gjeorgjina Kuli.
Sa i përket vaksinimit anti-covid në vendin tonë që pritet të nis në javën e tretë të muajit janar, fillimisht me personelin shëndetësor, Kuli thotë se një pjesë e mirë janë pro vaksinimit.
Lajme të tjera
-
Tronditet Greqia, 3-vjeçari humb jetën pasi plagoset me plumb në kokë
1 Nëntor, 17:07 -
Cila është mosha ideale për të pasur fëmijë?
31 Tetor, 22:47 -
Sa orë në ditë i lejohet një fëmije të qëndrojë para ekranit
11 Tetor, 17:04 -
Dy shenjat që tregojnë se jeni një prind emocionalisht inteligjent
9 Tetor, 15:55 -
Lezhë/ Bashkë me vjeshtën vijnë virozat, fluks në urgjencë! Pediatri tregon shenjat që nuk duhen neglizhuar tek të vegjlit
25 Shtator, 16:35
-
Çantat e rënda dhe qëndrimi në celular po deformojnë shtyllën kurrizore, 3% e fëmijëve me skoliozë
25 Shtator, 16:05
-
Lufta në Rripin e Gazës/ Një tunel dhe qarja e një të sapolinduri, videoja e krijuar nga Forumi i Pengjeve dhe Familjeve të Zhdukura: Gra të dhunuara dhe shtatzëna
31 Gusht, 20:00 -
Po qante gjatë fluturimit, dy gra mbyllin fëmijën në tualetin e avionit (VIDEO)
29 Gusht, 21:39 -
“Dhimbje barku, temperaturë, të vjella, dobësi trupore”, fluks i lartë fëmijësh në Pediatrinë e Pogradecit
28 Gusht, 16:12
-
Fluori mbi masën e rekomanduar ndikon tek inteligjenca e fëmijëve
22 Gusht, 08:22 -
E rëndë/ Trevjeçari vdes nga i nxehti në makinë, i ati e la të mbyllur, hyri në market të bënte blerje
16 Gusht, 13:52 -
Kujdes nga virozat, pishinat dhe merimanga e zezë! Mbi 100 fëmijë çdo ditë në Pediatrinë e Elbasanit! Flasin mjekët (video)
2 Korrik, 16:20
