COVID-19/ Asnjë humbje jete në 24 orët e fundit në vend, regjistrohen 7 raste të reja infeksioni

Kjo e martë ka regjistruar një tjetër ditë pa asnjë viktimë nga kornavirusi. Sipas të dhënave nga Ministria e Shëndetësisë, vihet re se numri i rasteve të reja të infeksionit ka shënuar një rritje, 7 infektime, në krahasim me një ditë më parë ku u regjistruan vetëm 2. Megjithatë, sërish numri i infeksioneve mbete shumë i ulët në vend.

Rastet e reja të infeksionit janë regjistruar: 3 raste në Devoll, 2 raste në Tiranë, 1 rast në Shkodër, 1 rast në Mirditë.

Aktualisht janë 55 pacientë aktivë me COVID19 në të gjithë vendin, ndërsa në Spitalin Infektiv po marrin trajtim spitalor të specializuar 3 pacientë.

Janë shëruar 4 qytetarë gjatë 24 orëve të fundit, duke e çuar numrin e të shëruarve në 130,033 që nga fillimi i epidemisë. 

Ndërkohë, numri total i personave të infektuar në vend ka shkuar në 132,544, ndërsa ai i viktimave në 2,456.

Statistika (6 Korrik 2021)

Raste të reja ditore        7

Të shëruar në 24 orë     4

Të shtruar në spitale      3

Humbje jete në 24 orë   0

Testime ditore               2,907

 

Testime totale            821,526

Raste pozitive             132,544

Raste të shëruara       130,033

Raste Aktive                  55

Humbje jete                 2,456

 

Shpërndarja gjeografike e rasteve aktive sipas qarqeve:

Tiranë          23

Shkodër       8

Elbasan        6

Durrës           5

Vlorë             5

Korçë          5

Lezhë           2

Fier              1

TAG:
• ministria e shendetesise
• koronavirus ne shqiperi