POP 5

Lajmet më të lexuara të 5 minutave të fundit

Kronikë

Covid-19, Komisioni i Pavarur i Kualifikimit jep gjysmën e pagës të muajit Prill

KPK njofton se rreshtohet përkrah strukturave të larta shtetërore, duke demonstruar shpirtin e vullnetarizmit dhe të sakrificës në këtë periudhë të vëshirë për vendin dhe shoqërinë, duke dhuruar gjysmën e pagës së muajit Prill.

Covid-19, Komisioni i Pavarur i Kualifikimit jep gjysmën e pagës të muajit Prill

TIRANË - Pas kërkesës së bërë nga Kuvendi i Shqipërisë, edhe anëtarët e Komisionit të Pavarur të Kualifikimit i janë bashkuar nismës së shumë institucioneve shtetërore për të kontribuar përmes pagës së tyre në buxhetin e shtetit për përballimin e situatës së fatkeqësisë natyrore.  Në përgjigje të thirrjes për ndihmë, 8 komisionerë të KPK-së do të dhurojnë menjëherë 50% të pagës mujore neto, të muajit prill 2020.

Në një njoftim zyrtar KPK njofton se "rreshtohet përkrah strukturave të larta shtetërore, duke demonstruar shpirtin e vullnetarizmit dhe të sakrificës në këtë periudhë të vështirë për vendin dhe shoqërinë, ku problematika fokusohet tek shpëtimi i jetëve njerëzore dhe fatura financiare bëhet çështje jo vetëm e qeverisë, por e gjithë shoqërisë.

Po sipas këtij njoftimi dy anëtarë kanë vendosur ta përcaktojnë vetë shumën për të kontribuar dhe një prej anëtarëve e cila ndodhet në kushtet e trajtimit mjekësorë është në pamundësi për të kontribuar.

"Dy komisionerë të tjerë kanë përkrahur nismën, duke shprehur vullnetin të kontribuojnë nëpërmjet pagës sipas vlerësimit të tyre individual/ nëpërmjet llogarive në bankat  e nivelit të dytë. Nuk mund të kontribuojë një anëtar, i cili po trajtohet me pagesë të paaftësisë së përkohshme në punë. Komisioni i Pavarur i Kualifikimit është i angazhuar për të çuar përpara procesin me rëndësi kombëtare të vettingut në sistemin e drejtësisë, por njëkohësisht ndjen po të njëjtën përgjegjësi qytetare për situatën ku ndodhet vendi. Duam të falënderojmë të gjithë ata, që sot janë në vijën e parë të ndihmës, të cilët në mënyrë vetëmohuese vazhdojnë detyrat e tyre të përditshme jashtë shtëpisë, në mbështetje të të gjithëve në këtë situatë të pasigurive të mëdha", thuhet në njoftim.

Ditën e djeshme dhe KLP dhuroi gjysmën e pagës së muajit prill për shkak të COVID-19 në shenjë solidariteti.  

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Parashqevi Simaku prej 2 javësh e shtruar në Spitalin Psikiatrik të New Yorkut, nuk pranon të marrë mjekim

Parashqevi Simaku prej 2 javësh e shtruar në Spitalin Psikiatrik të New Yorkut, nuk pranon të marrë mjekim

17 Janar, 07:26