POP 5

Lajmet më të lexuara të 5 minutave të fundit

Bota

COVID-19/ Kreu i OBSH-së për Evropën: Pandemia do të zgjasë deri në fillim të vitit 2022

Drejtori rajonal i Organizatës Botërore të Shëndetësisë për Evropën Hans Kluge, ditën e djeshme tha se pandemia e COVID-19 do të përfundojë në fillim të vitit 2022.

COVID-19/ Kreu i OBSH-së për Evropën: Pandemia do të zgjasë deri në fillim të vitit 2022

Foto ilustruese

Drejtori rajonal i Organizatës Botërore të Shëndetësisë për Evropën Hans Kluge, ditën e djeshme tha se pandemia e COVID-19 do të përfundojë në fillim të vitit 2022.

Ai theksoi për televizionin shtetëror danez DR se gjatë vitit 2021 COVID-19 do të vazhdojë por do të jetë më i menaxhueshëm se sa në vitin 2020, duke shtuar se më e keqja ka mbaruar dhe se tani kemi më shumë informacion lidhur me virusin.

Megjithatë ai tha se askush nuk mund të dijë se si do të zhvillohet COVID-19.

“Do të vazhdojë të ketë virus, por nuk mendoj se do të nevojiten kufizime. Ky është një mesazh optimist”, tha ai.

Kluge është shprehur se variantet e reja të COVID-19 janë normale megjithëse shpejtësia e përhapjes së tyre është shqetësuese.

Sipas tij OBSH-ja është duke monitoruar nga afër efektivitetin e vaksinave të zhvilluara anti-COVID, pasi për shkak të mutacioneve të virusit ndoshta do të jetë e nevojshme të ndryshojnë për të luftuar edhe variantet e reja.

Klegu tha se variantet e reja nuk do të bëjnë që situata e pandemisë të dali jashtë kontrollit por ato po ushtrojnë një presion tepër të madh mbi shëndetësinë.

Numri aktual i infektimeve ka shkuar 111.991.957, ndërkohë që ai i viktimave është 2,478,837 në të gjithë botën që nga fillimi i pandemisë.

Ndërkohë vaksinimi ka nisur në shumicën e vendeve të pasura dhe procesi po vazhdon pavarësisht vështirësive në prodhim nga kompanitë farmaceutike

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Atentati në Vlorë, dëshmon Kevin Hajrulla: Nuk kam konflikte me njeri! Inezin e kam kushëri, por kontaktet i kemi të rralla

Atentati në Vlorë, dëshmon Kevin Hajrulla: Nuk kam konflikte me njeri! Inezin e kam kushëri, por kontaktet i kemi të rralla

11 Janar, 18:45 nga Armand Xhelili