COVID-19, Meta telefonon Thaçin: Masat përballuan pandeminë me sukses, bashkëpunim rajonal për përvojat

TIRANË - Presidenti Ilir Meta i tha homologut të tij, Hashim Thaçi, se si Shqipëria dhe Kosova e kanë përballuar me sukses krizën shëndetësore dhe social-ekonomike të krijuar nga pandemia COVID-19. Meta dhe presidenti i Kosovoës zhvilluan sot një bisedë telefonike, - bën të ditur zyra e shtypit të presidenti Meta - ku siç bëhet e ditur, kreu i shtetit vlerësoi masat e marra nga të dyja shtetet. 

Ndërkohë, detaje nga kjo bisedë kreu i shtetit ndau edhe në rrjetet sociale, ku ndër të tjera thotë se shprehën vullnet për bashkëpunim rajonal për të shkëmbyer përvojat dhe tejkalimin e shpejtë të kësaj situate të vështirë.

"Kënaqësi të zhvilloja sot një bisedë telefonike me Presidentin e Republikës së Kosovës, Hashim Thaçi. Diskutuam mbi gjendjen aktuale dhe masat e marra nga të dyja shtetet për përballimin me sukses të krizës shëndetësore dhe social-ekonomike të krijuar nga pandemia COVID-19. Shprehëm vullnetin që në frymën e solidaritetit mbarëkombëtar dhe bashkëpunimit rajonal, të dyja shtetet të koordinohen dhe të shkëmbejnë ngushtësisht përvojat për tejkalimin e shpejtë të situatës së vështirë në interes të mbrojtjes së shëndetit të qytetarëve" shkruan Meta.

/G.M./Shqiptarja.com

TAG:
• Ilir Meta
• hashim thaci
• koronavirusi ne shqiperi