POP 5

Lajmet më të lexuara të 5 minutave të fundit

Kronikë

COVID-19 në Shqipëri/ Qytetarët humbin vigjilencën, 80% e të shtruarve në reanimacion janë të rinj (VIDEO)

COVID në Shqipëri ka filluar ta prek masivisht edhe moshat e reja. Supas burimeve të Report Tv aktualisht vetëm në spitalin Covid 2, 80% e të shtruarve në reanimacion, pra në gjendje kritike nga koronavirusi, janë të moshave nga 24-32 vjeç. Pavarësisht këtij fakti, masat kufizuese nuk janë shtrënguar, ndërsa rinia është shumë larg ndërgjegjësimit për të ruajtur veten dhe të tjerët, veçanërisht në ambientet e bareve dhe restorantave ku nuk zbatohet asnjë rregull.

Që masat anti-COVID nuk respektohen në Shqipëri, nuk e thonë vetëm shifrat ditore të gjobave për mosmbajtjen e maskës në rrugë apo të ndëshkimeve ndaj bizneseve që organizojnë ceremoni festive pas orës 22:00.

Mjafton që gjatë gjithë ditës të shohësh baret e restorantet, të tejmbushur nga qytetarë, shumica të rinj, pa distancë, pa maska e shumë herë në thyerje të asaj që në pandemi konsiderohet ligj: Me puthje e përqafime.

Një sjellje kjo, që është reflektuar edhe në situatën aktuale të koronavirusit në vendin tonë. Të rinjtë nuk janë më të paprekshëm. Fundi i dhjetorit ka njohur rritje të frikshme të infektimeve me COVID 19 tek moshat e reja.

Por rinia jo vetëm që po infektohet, por edhe po përjeton forma të rënduara të virusit. Report Tv mëson se vetëm në spitalin COVID 2, 80% e të shtruarve në reanimacion janë mosha të reja, konkretisht 6 të rinj 24-32 vjeç nga 8 që ndodhen aktualisht në këtë pavion.

Në raportet ditore të Ministrisë së Shëndetësisë për rastet e reja, reflektohet vetëm numri total i të shtruarve në spitale, por Report Tv mëson se mes 200 pacientëve qe ndodhen aktualisht tek spitali “Shefqet Ndroqi” është rritur numri i të rinjve, duke e cuar Covid 2 drejt ezaurimit të kapaciteteve në shtretër.

Prej datës 15 janar urgjencat COVID të qytetarëve në Tiranë po dërgohen në këtë spital, por nisur nga fluksi i shtrimeve, pritet që të transferohen drejt Infektivit për të ulur ngarkesën spitalore.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49