Ka nisur këtë të shtunë vaksinimi i operatorëve turistikë në Durrës, Vlorë, Shkodër dhe Gjirokastër, kundër koronavirusit. Vetëm ditën e sotme, në Durrës janë regjistruar 450 persona nga personeli i hoteleve dhe restoranteve, të cilët do të marrin vaksinën kineze Sinovac. Procesin e ndoqi edhe kryeministri Edi Rama, i cili bëri me dije se së shpejti pritet të nisë edhe vaksinimi i punonjësve të transportit publik si dhe i atyre të fasonerive. E pranishme ishte edhe ministrja e shëndetësisë, Ogerta Manastirliu, e cila u shpreh se në të gjithë vendin janë regjistruar mbi 2 mijë punonjës dhe se ata do të pajisen me certifikatë individuale vaksinimi.
Ndërkohë, ditën e nesërme pritet të fillojë vaksinimi i operatorëve turistikë edhe në Kukës, ndërsa të hënën në Krujë.
Kryetari i Shoqatës së Operatorëve turistikë i Durrësit, Eduart Xhepa e vlerësoi nisjen e vaksinimit të operatorëve turistikë, duek u shprehur se kjo do të rrisë numrin e turistëve. Ai i kërkoi kryeministrit që operatorët turistikë të pajisen me certifikatat e vaksinimit pasi kjo, sipas tij do t'i shërbejë turistëve të huaj që të frekuentojnë resortet shqiptare.
"Kjo është gjëja kryesore që ne kemi kohë që e kërkonim. Një gjë shumë e mirë sepse kemi patur kërkesa të vazhdueshme nga partnerët ndërkombëtar dhe turistët vendas. Industria e turizmit është një nevojë e domosdoshme sepse stafet e strukturave turistike janë në kontakt direkt me klientin dhe është domosdoshmëri që klienti të ndjehet i sigurt. Kjo do ndihmoj në rritjen e numrit ët turistëve në këtë sezon që ne mezor e presim për të mbuluar dhe humbjet që kemi patur. Kjo do të ketë një efekt shumë pozitiv. Personeli e ka mirëpritur vaksinimin dhe janë të gatshëm për t'u mbrojtur nga ky virus", tha ai.
Vaksinimi i operatorëve turistikë vjen pas kërkesës së vetë këtyre të fundit, për të patur një sezon veror të lehtësuar. Procesi i vaksinimit në vend vijon me ritme të shpejta, ndërsa deri në fund të majit objektivi është që të vaksinohen gjysmë milioni shqiptarë, që do të lehtësonte edhe më tej situatën e me COVID me në vend. Vetë kryeministri Edi Rama është shprehur se ky sezon veror mund të jetë pa masa kufizuese.
Ditën e djeshme u kryen 10.134 vaksinime duke e çuar numrin total të personave të vaksinuar në vend në 314.622, ndërsa këto dy ditë pritet të vijnë 90.800 doza të AstraZeneca.
Vaksinimi masiv po vijon me të moshuarit mbi 60 vjeç ku prioritet kanë të sëmurët kronik, stomatologët, farmacistët, arsimtarët në shkollat private, edukatorët, punonjësit e rendit dhe punonjës të medias. Aktualisht në vendin tonë janë duke u përdorur vaksina Pfizer, AstraZenca, vaksina ruse Sputnik V dhe ajo kineze Sinovac.
Ka nisur sot vaksinimi operatorëve turistikë në vend, ndërsa kryeministri Edi Rama bëri me dije se së shpejti prite të nisë edhe vaksinimi i punonjësve të transportit publik si dhe i atyre të fasonerive. I pranishëm në Durrës, ku inspektoi nisjen e procesit të vaksinimit të operatorëve turistikë, ai i bëri thirrje këtyre të fundit që të aplikojnë, duke thënë se do të jetë një siguri më shumë për turistët që do të vijnë dhe do të gjejnë hotele të lira nga COVID.
"Sot është e rëndësishme që të informohen edhe të tjerët. Qeveria është gati për të vaksinuar të gjithë personelin e strukturave hoteliere, duke filluar me ata në bregdet që do kenë më shumë turistë dhe me këtë vaksinim japin një garanci më shumë për turistët që do vijën të gjejnë hotele që janë të lira nga COVID. Pastaj do vazhdojë dhe me të tjerët, por të gjithë të aplikojnë dhe të futen në radhë për të marrë vaksinën. Dy kategoritë e tjera janë punonjësit në fabrika dhe një kategori shumë e rëndësishme janë edhe transportuesit të udhëtarëve, janë në një zonë risku të konsiderueshme", tha Rama.
Lajme të tjera
-
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53 -
Moti i keq/ Lundrimi për peshkarexhat i pezulluar edhe në Durrës
21 Nëntor, 10:16 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38
