A ndodhet Gjermania në pandeminë e Coronës në një “fuçi baruti”? A i ka “rrëshqitur situata nga duart” përgjegjësve? Nëse është e vërtetë sikur edhe gjysma e citateve, që sipas “Bild” ka dalë nga një lidhje e brendshme e kancelares Merkel me landet, atëherë kemi të bëjmë me një kancelare që përfundimisht e ka humbur durimin. “Ne duhet të jemi më rigorozë, ndryshe brenda 14 ditësh, do jemi sërish aty ku ishim”, duket se ka thënë Merkel. Se në ç’gjendje ndodhet kancelarja, këtë e tregon edhe reagimi i saj për dëshirën e madhe për udhëtim të gjermanëve. “Gjatë krishtlindjeve kanë fluturuar 50.000 vetë në ishujt Kanare dhe Maledivet”, duket se ka thënë ajo. Dhe më tej: Njëqind herë ajo e ka pyetur veten, pse nuk ndalohen udhëtime të tilla? Dhe merr një përgjigje që më shumë lidhet me ish-qytetarët e RDGJ-së, se Gjermania është tanimë një vend i lirë. Nëse vërtet janë përdorur këto fjalë, dhe Merkel ka marrë gjithmonë këtë përgjigje, me të drejtë ajo është e prekur. Edhe mohuesit e Coronës, pjesërisht ekstremistë të djathtë, i referohen me dëshirë biografisë së Merkelit nga RDGJ-ja, kur përmendin kufizimet e të drejtave qytetare që për ta janë të padurueshme.
Forca duruese e Merkelit është legjendare
Vërtet Gjermanisë i ka rrëshqitur situata nga dora? Fakt është që shifrat e infektimeve janë duke rënë, por jo aq shpejt sa duhet, para përhapjes së mutacioneve të rrezikshme të virusit në Gjermani. Po ashtu ajo që dihet, është, se është humbur shumë kohë me miratimin e ngadalshëm të vaksinës nga BE, që tani po ofrohet me vonesë. Dhe është një shenjë shqetësuese, kur kancelarja legjendare për fuqinë e saj duruese ndër vite e në negociata të panumërta e humbet durimin.
Merkel është në vitin 2021 atë që shumë amerikanë e quajnë “lame duck”, e pafuqishme. Ajo largohet në vjeshtë nga zyra e kancelares. Të gjithë e dinë këtë, prandaj edhe fjala e saj nuk e ka më atë peshë si në vitet e mëparshme. Në një kohë që për zbatimin e vendimeve, janë përgjegjës landet. Shumë nga kryeministrat, me të cilët Merkel duhet të negociojë, duan të rivotohen sërish, dhe e dinë, se sa të lodhur janë njerëzit dhe sa i dëshirojnë lirimet e masave.
Por Merkel nuk dëshiron të fund të pandemisë, të qëndrojë si ajo që në metrat e fundit të mandatit të saj qeverisës dështoi në luftimin e pandemisë. Pasi e mundi krizën financiare, i la pas debatet e ashpra për valën e refugjatëve në vjeshtë të vitit 2015 si dhe në vitet më pas. E më pas Donald Trump, presidenca e të cilit nuk ishte një kohë e lehtë për Merkelin.
Ankesë në nivel luksi
Përveç kësaj me siguri jo pa të drejtë, është e mendimit, që njerëzit në Gjermani në kohën e pandemisë, ankohen në nivel luksi. Edhe kufizimet e “lockdownit” të tanishëm, që po tregon efektin e vet, nuk është edhe aq i ashpër, si në Itali, Francë apo Spanjë. Me fjalë të tjera: restorantet e mbyllura, udhëtimet e anuluara dhe disa javë pa një model të ri flokësh janë për kancelaren të përballueshme. Megjithatë ajo këtu nuk ka parasysh fatin e shumë pronarëve të restorantëve apo krijuesve që si mijëra të vetëpunësuar të tjerë rrezikojnë ekzistencën ekonomike.
Pandemia në Gjermani është një garë me kohën. Fillimi me ngecje i procesit të vaksinimit të zemëron, më shumë kufizime se ato kemi tani vështirë se do të pranohen. Takimet e pafund të kancelares me kryeministrat e landeve janë bërë të lodhshëm. Mbetet gati vetëm shpresa që skenarët e frikshëm për mutacionet e virusit nuk do të bëhen realitet. Në moment Gjermania duket sikur nuk di ç’të bëjë më tej. Pranvera dhe me të edhe kthimi i ngadalshëm në normalitet duken ende shumë larg./ DW
Lajme të tjera
-
Barazojnë Gjermania e Holanda, Bosnje-Hercegovina zbret në Ligën B! Martinez si Maradona, kthen Argjentinën te fitoret (VIDEO)
20 Nëntor, 12:23 -
Gjermania thotë se do t’i mbyllë 3 konsullata iraniane, pas ekzekutimit të shtetasit gjermano-iranian
1 Nëntor, 09:04 -
“Wir schaffen das”: Jehu i politikës së Merkelit në Ballkanin Perëndimor
27 Tetor, 18:26 -
Gjermania synon të bëhet lidere në Evropë për inteligjencë artificiale
22 Tetor, 16:41 -
Gjermania mund ta dërgojë në Ukrainë, Koreja e Jugut teston super-raketën Taurus, pse është kaq vdekjeprurëse
12 Tetor, 16:39 -
Liga e Kombeve/ Gjermania tri pikë në Bosnjë, Holanda barazon në Budapest! Fitojnë Turqia dhe Ukraina
12 Tetor, 09:35 -
Brajan Gruda i ‘jep duart’ Shqipërisë: Zemra ime thotë që dua të luaj për Gjermaninë
10 Tetor, 11:26 -
Ukraina, tundimi për t'i dhënë territore Rusisë në këmbim të anëtarësimit në NATO: ‘Si Gjermania Perëndimore’! Por Zelensky po frenohet
6 Tetor, 18:20 -
Olaf Scholz: Gjermania s’do t’i japë leje Ukrainës për armët me rreze të gjatë
24 Shtator, 11:47 -
Gjermania skeptike ndaj politikës së BE-së për migracionin, e interesuar për paktin Shqipëri-Itali për refugjatët
20 Shtator, 20:23 -
Spektakël por jo fitues në Holandë-Gjermani! Kolumbia thyen Argjentinën, Brazili në krizë (VIDEO)
11 Shtator, 12:17 -
Gjermania vendos kontrolle të përkohshme në kufijtë tokësorë
9 Shtator, 19:37
