COVID-19 prek edhe Kadastrën! Kërkesë Kuvendit: Të shtyhet afati i përfundimit të rivlerësimit të pronave, këto dy muaj nuk është punuar

TIRANË- Kadastra Shqiptare ka bërë kërkesë pranë Kuvendit për të shtyrë afatin për Rivlerësimin e pronave. Burime nga Kadastra pohojnë për Report Tv se kërkesa është bërë pak ditë më parë pasi gjatë këtyre dy muajve procesi i rivlerësimit thuajse nuk ka funksionuar për shkak se shumë aktivitete u mbyllën, qarkullimi u mbyll, po ashtu edhe sportelet e administratës pjesërisht u mbyllën për të mos lejuar përhapjen e COVID-19.

Ky rivlerësim është parashikuar të zgjasë deri më 30 shtator të këtij viti dhe mendohet të sjellë në buxhet rreth 6 miliardë lekë, në vitin 2020.

Bllokimi i qarkullimit po ashtu ka vështirësuar edhe mundësinë që kishin qytetarët për të mbledhur dokumentacionin e nevojshëm, për të kryer këtë proces.

Përgjatë muajve shkurt dhe mars ishte parashikuar të kryhej procesi i rivlerësimit për ata qytetarë që kishin proceduar emergjente si vendosja e pronës në bankë si kolateral apo me qëllim shitjen e pronës së tyre.

Po të njëjtat burime thonë se nuk ka një afat të përcaktuar se për sa kohë duhet të shtyhet ky proces. Kjo mundësi u ofrohet të paktën 50 mijë banesave. Ata që do të bëjnë rivlerësimin do të paguajnë tatimin në vlerën e 3% të diferencës mes çmimit me të cilin është blerë një apartament apo një pronë tjetër e paluajtshme dhe atij me të cilin do ta shesin atë, nga 15% që është normalisht.

Ndërsa personat juridikë, për këtë rivlerësim, do të paguajnë 5 për qind të diferencës ndërmjet vlerës së rivlerësimit dhe vlerës kontabël të regjistruar, për pasuritë e paluajtshme, gjithnjë 3 herë më pak se tatimi aktual.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që Basha e Berisha të garojnë me kandidatë të përbashkët në zgjedhjet e pjesshme vendore?



×

Lajmi i fundit

John

Meta: Rama dhe Basha vranë katër protestues më 21 janar! Nëse shkarkohem, do e ankimoj vendimin e Gjykatës Kushtetuese