Covid/SHBA, dritë jeshile për remdesivir, ilaçi për trajtimin e pacientëve të infektuar nga koronavirusi

Shpresa e fundit në luftën kundër koronavirusit quhet Remdesivir. Shtetet e Bashkuara autorizuan urgjentisht përdorimin e ilaçit antiviral të krijuar për të luftuar Ebola, tani për të trajtuar pacientët me koronavirus. E njëjta gjë u njoftua nga Presidenti amerikan Donald Trump pas takimit me drejtuesit e kompanisë që prodhon ilaçin.

Autorizimi nënkupton që ilaçi antiretroviral tani mund të përdoret tek njerëzit që janë shtruar në spital për shkak të Covid-19. Një studim i javëve të fundit ka treguar që Remdesivir ka ndihmuar në zvogëlimin e kohës së rikuperimit të pacientëve në gjendje të rëndë,  por shumë shkencëtarë janë ende skeptik, duke kërkuar që të mos e konsiderojnë ilaçin si "plumbin magjik", formulën magjike ose zgjidhje përfundimtare.

Autorizimi i dhënë nga Administrata e Ushqimit dhe Barnave, agjensia amerikane për ilaçet, nuk është përfundimtare: do të nevojiten më shumë studime për të zyrtarizuar përdorimin e këtij ilaçi. Por ndërkohë, është një dritë jeshile për përdorimin e saj në këtë fazë emergjente. Remdesivir fillimisht u krijua për të luftuar Ebolën. Trump ka qenë një mbështetës që në fillim i përdorimit të këtij ilaçi, i cili me kalimin e kohës ka gjetur edhe mbështetjen e Anthony Fauci, kreut të grupit të emergjencës pranë Shtë pisë së Bardhë.

Lajmi kryesor:

Italia 282 viktima pa regjistruar nga prilli, rritet numri i të shëruarve! Dritë jeshile për përdorimin e ilaçit remdesivir

TAG:
• SHBA
• Kina
• koronavirusi
• covid