POP 5

Lajmet më të lexuara të 5 minutave të fundit

Shëndeti

Bota

Covid-The Guardian: OBSH 'ndërron mendje', do rifillojnë testet klinike të hidroksiklorinës

Shumë pyetje janë ngritur mbi studimin që pretendonte se hidroksiklorina ka shtuar nivelin e vdekshmërisë dhe problemet e zemrës te pacientët me Covid-19, arsye për të cilën dhe u ndalua nga OBSH-ja

Covid-The Guardian: OBSH 'ndërron mendje', do rifillojnë testet klinike të hidroksiklorinës

Shumë pyetje janë ngritur mbi studimin që pretendonte se hidroksiklorina ka shtuar nivelin e vdekshmërisë dhe problemet e zemrës te pacientët me Covid-19, arsye për të cilën dhe u ndalua nga OBSH-ja.

Kjo e fundit, thotë “The Guardian”, do të rifillojë testet klinike mbi ilaçin e përdorur kundër malarias e për të cilin shkencëtarët shpresojnë se mund të trajtojë Covid-19. Ishte vetë OBSH-ja që mbështetur, siç tha, në studimin e “The Lancet”, vendosi t’i ndalonte testime të tilla. A mos vallë u nxitua, pyesin tani ata që varën shumë shpresa tek ky mjekim.

Vetë presidenti amerikan Donald Trump i kishte trumpetuar me të madhe vetitë e saj, duke thënë se po e përdorte edhe ai si masa parandaluese ndaj koronavirusit. “The Lancet” dilte në përfundimin se hidroksiklorina qe shoqëruar me shkallë të lartë vdekshmërie, por mbi studimin e saj u ngritën pyetje serioze.

“The Guardian” nisi vetë një hetim, gjatë të cilit u vunë re mospërputhje të mëdha të dhënash. Gazeta prestigjioze britanike ngriti pyetjen sesi i mblodhi studimi të dhënat e 96,000 pacientëve në qindra spitale, në një kohë kur spitalet kryesore mohojnë të jenë lidhur me database-n e menaxhuar nga një kompani e quajtur Surgisphere, shefi ekzektutiv i të cilës, Dr Sapan Desai, rastis të jetë gjithashtu bashkëautor i “The Lancet”.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

SHBA/ Senati konfirmon John Ratcliffe si drejtor të CIA-s

SHBA/ Senati konfirmon John Ratcliffe si drejtor të CIA-s

24 Janar, 07:17