Skivi ka thënë se ka qenë Noizy ai që ka nisur gjithçka në incidentin që ndodhi në Prishtinë.
“Isha i shoqëruar me femër. Ishin rreth 10 veta që po rrinin jashtë hotelit. Vazhdova punën time. Sapo u afrova nisën të më shanin. Ishin agresivë me fjalë para femrës.
Vetëm ktheva kokën dhe iu thashë: “Shqipe, ju lutem mos flisni se s'është as koha e as momenti”. Telefonova Cozmanin që të vinte të më merrte aty. I thashë edhe për incidentin, por se çdo gjë ishte nën kontroll”, tha Skivi.
Ndërsa Cozman bën me dije se ishte vetëm me një shokun e tij në momentin që ka ndodhur ngjarja: "U nisa për tek hoteli dhe sapo hyra brenda pashë se kishte shumë vetura të parkuara.
Ishin grup 10-15 veta. E ndala veturën. 3-4 veta prej tyre m'u drejtuan dhe njëri më preku pasqyrën.
Sapo dola jashtë ishin 4-5 veta që nisën të më sulmonin. Në anën tjetër e sulmuan edhe shokun tim. Nisëm të përlesheshim dhe për 2-3 sekonda dëgjuam të shtënat dhe policia ishte aty afër” deklaroi ai. / Top Channel
dy.b/shqiptarja.com
![](https://www.shqiptarja.com/template/img/sh_logo1.png)