POP 5

Lajmet më të lexuara të 5 minutave të fundit

Sport

Cr7 shpëton Juventusin, Milan e Napoli trembin rivalët (VIDEO-Golat)

Cristiano Ronaldo shpëton Juventusin. Portugezi shënoi dy gola në barazimin 2-2 ndaj Romës në transfertë. Debutim shumë i mirë me fanellën verdhekuqe për mbrojtësin e Kombëtares Kumbulla. Fitojnë Milani e Napoli ndërsa Barcelona e Kuman bën goleadë që në ndeshjen e parë.

Mes spektaklit dhe emocioneve Roma-Juventus mbyllet në barazim 2-2 në “Olimpico”. Marash Kumbulla debuton me një superparaqitje me fanellën e verdhekuqve të cilët e mbyllën pjesën e parë në avantazh. Veretout kaloi vendasit në avantazh por më pas Ronaldo barazoi me penallti për Juventusin duke vendosur barazpeshën. Gjithsesi shumë shpejt Veretout e mposhti sërish Sheznin dhe Roma e mbylli fraksionin e parë në avantazh . Bardhezinjtë mbetën me një lojtar më pak pas ndëshkimit të Rabiot me të kuq por ekipin e shpëtoi Cristiano Ronaldo me një gol shumë të bukur me kokë dhe gjithçka mbyllet në barazim me Juven që shkon 4 pikë.

Milani nuk ndalet. Kuqezinjtë edhe pa Ibrahimovic mposhtën 2-0 Crotonen në transfertë dhe pas dy ndeshjesh janë me 6 pikë të plota. Kessie ktheu në gol një penallti në fundin e pjesës së parë ndërsa goli i dytë u shënua nga Brahim Diaz.

Serinë A e kryeson Napoli që luajti tenis me Genoan në “San Paolo” duke e mposhtur 6-0. Dy herë shënoi Lozano dhe nga një gol e shtuan Zielinski, Mertens , Elmas dhe Polinato për skuadrën e Gatusso-s që po frikëson rivalët.

 Barcelonës së Koeman i ka mjaftuar vetëm një pjesë loje për të futur në kasafortë fitoren e parë në La Liga. Tekniku holandez ka debutuar në mënyrën më të mirë të mundshme në “Camp Nou” pasi Barcelona mposhti 4-0 Villarreal. Dygolësh shënoi talenti Ansu Fati, një gol e shtoi Messi dhe një tjetër ishte autogol./Përgatiti Andi Kapxhiu

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça