Cristiano Ronaldo nuk njeh limite edhe pse pas pak mujash do të mbushë 35-vjeç. Fituesi i 5 herë topit të artë në ndeshjen eliminatore të ‘Euro 2020’ të Portugalisë ka realizuar tre gola kundër Lituanisë në fitoren 1-5, duke vendosur një rekord absolut europian.
Ronaldo është bërë futbollisti europian më me shumë gola në kualifikuese, duke arritur kuotën e 24 golave dhe duke lënë pas Roi Kin, legjendën e Irlandës, me 23 gola. Për më tepër portugezi është në pritje edhe të një tjetër goli nën emrin e tij në këtë sfidë, pasi vlerësohet nga UEFA nëse ishte autogol apo jo.
Përsa i përket Portugalisë fitorja në transfertë kundër Lituanisë e mbanë në vendin e dytë, 5 më pak se Ukraina e vendit të parë që ka një ndeshje më shumë. Ndërkohë në këtë grup, grupin B, në garë për t’u kualifikuar është edhe Serbia.
![](https://shqiptarja.com/template/img/NO_ALFA_Kuadrate shqiptarja.png)
Këta të fundit pas humbjes me Portugalinë tre ditë më parë kanë ndryshuar faqe ndaj Luksemburgut duke fituar me shifrat 1-3 në transfertë. Ky rezultat i jep mundësinë Serbisë të renditet në vendin e tretë në grup me 7 pikë, 1 më pak se Portugalia e vendin të dytë, me ndryshim se Serbia ka një ndeshje më shumë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)