Çuçi pret homologun nga Maqedonia e Veriut! Drejt nënshkrimit marrëveshja që heq kontrollet e eksporteve bujqësore në kufi

TIRANË- Shqipëria dhe Maqedonia e Veriut do të nënshkruajnë brenda këtij viti një Marrëveshje Fitosanitare, e cila lehtëson shkëmbimet tregtare të produkteve bujqësore mes dy vendeve. Kjo është dakordësuar në takimin që pati sot ministri i Bujqësisë dhe Zhvillimit Rural, Bledi Çuçi, me homologun nga Maqedonia e Veriut, Trajan Dimkovski, i cili ndodhet në Tiranë për një vizitë zyrtare. 

Çuçi tha gjatë takimit se të dy vendet kanë lidhje të forta me njëri-tjetrin dhe një axhendë të përbashkët në rrugën e integrimit europian. Rrjedhimisht duhet të intensifikohet bashkëpunumi në sektorin bujqësor dhe zhvillimin rural. 

“Pika më e rëndësishme e axhendës tonë dhe që kemi ardhur fazën ku duhet t’i japim zgjidhje, duke mos e zvarritur më, lidhet me Marrëveshjen e Bashkëpunimit Fitosanitar mes dy vendeve. Janë bërë hapa përpara që pas takimit të fundit në nivel ministrash duke e ulur nga 100% në 20% kontrollin e analizave fitosanitare. Ka ardhur koha që edhe këtë 20% ta rishikojmë”, tha ministri Çuçi, duke theksuar këtu faktin se prodhimet bujqësore shqiptare eksportohen sot në të gjitha vendet e Europës pa barriera dhe deri më tani nuk është shënuar asnjë kthim pas për çështje që lidhen me sigurinë e tyre.

Më tej ministri i shtroi homologut të tij një edhe problemin e eksportit të qumështit UHT nga Shqipëria në Maqedoninë e Veriut, duke i përmendur disa kompani shqiptare me standarde të larta që po pengohen nga autoritetit e vendit fqinj për të shitur produktetet e tyre.

Në vijim Ministri i Bujqësisë dhe Zhvillimit Rural shtroi edhe dy probleme të tjera të cilat duhen adresuar për zgjidhje; eksporti i kafshëve të gjalla drejt Maqedonisë së Veriut dhe administrimi i përbashkët i dy liqeneve kufitare në lidhje me peshkimin. 

“Ne importojmë kafshë të gjalla nga Maqedonia e Veriut. Sinqerisht nuk e kuptoj përse kemi pengesa për të patur qarkullimin e kundërt; eksportin e kafshëve nga Shqipëria në vendin tuaj. Ka ardhur koha që të kemi një marrëdhënie reciproke të shëndetshme në lidhje me këtë lëvizje”, tha ministri Çuçi. 

Në përfundim të dy ministrat u dakordësuan që tre grupe pune të ndjekin këto çështje në nivel teknik dhe më pas të mbërrihet tek nënshkrimi i marrëveshjes. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Kikia: Çdo ditë gjysma e qeverisë para se të shkojë në punë, shkon në SPAK një herë

Kikia: Çdo ditë gjysma e qeverisë para se të shkojë në punë, shkon në SPAK një herë