Çuçi: Shqipëria progres në luftën kundër krimit, nga thjesht informatore, sot drejtojmë skuadra të përbashkëta hetimore ndërkombëtare

Ministri i Brendshëm, Bledi Çuçi ka folur sot në konferencën me drejtorët e policisë. Ai u shpreh se Shqipëria pati një transformim në mënyrën sesi ka ndikuar për të luftuar krimin e organizuar brenda dhe jashtë kufijve. Çuçi u shpreh se Shqipëria nga thjesht informatore mori rolin e pjesëmarrësve dhe madje të rolit drejtues në skuadrat hetimore në goditjen e grupeve kriminale.

“E konsideroj si mundësi të shkëlqyer për të diskutuar se si mund ta rrisim bashkëpunimin me njëri-tjetrin. Jam i bindur që Shqipëria edhe pse një vend i vogël, ka kontribut jo të pakët në sigurinë e Evropës dhe të asaj që sot është BE.

Shqipëria qe i vetmi parë vend në Ballkanin Perëndimor që nënshkroi marrëveshje që i drejtoheshin kufijve të jashtëm të BE. Ne e kemi kaluar fazën kur vetëm shkëmbenim informacione për grupet kriminale, sot jemi pjesëmarrës madje dhe me rol drejtues në skuadrat hetimore për goditjen e grupeve kriminale. Dhe kjo s’është fazë e rastësishme.

LEXO EDHE:
Sekuestrohet vila e 2 garazhe me vlerë 500 mijë euro të polakes në Tiranë, gruaja e gjermanit që do ekstradohet në Korenë e Jugut! Përfituan 28 mln euro përmes mashtrimit

Krimi luftohet vetëm me bashkërendim, pa kufij dhe pa pasaportë. Më ketë vizion dhe mendje, policia është një ndër institucionet më të besueshme. Jemi të fokusuar te rritja e cilësisë. Këtë ambicie po e bëjmë me vende si Italia.”- tha Çuçi.

Lajmi kryesor:

Rrumbullaku me drejtorët e policisë së vendeve të BE: Të bashkëpunojmë për të luftuar krimin e organizuar

G.MO/Shqiptarja.com

TAG:
• Tirane
• rendi publik
• policia
• Muhamet Rrumbullaku