FIER- Ministria e Bujqësisë dhe Zhvillimit Rural është duke punuar për një skemë për marrjen e naftës pa taksa nga fermerët. Kështu është shprehur ministri Bledi Çuçi gjatë një bashkëbisedimi që pati me fermerë të Fierit. Ai solli shembullin e lehtësisë që është krijuar me naftën për sektorin e peshkimit, duke theksuar se në fakt këtu është më i lehtë kontrolli pasi janë pak pika furnizimi dhe rrjedhimisht nuk ka abuzim.
“Kam nisur një projekt që unë besoj se do na çojë shumë shpejt tek lehtësitë për marrjen e naftës nga fermerët të zhveshur nga taksat. Është e rëndësishme që ne të ngremë infrastrukturën që këtë ta bëjmë dhe ta kemi të kontrollueshme për të mos lejuar abuzimin. Me zhvillimin e teknologjisë sot, ne i kemi të gjitha mundësitë ta bëjmë këtë gjë. Por do të përfitojnë vetëm ata që janë të formalizuar. Ky është një projekt që po vijon. Me shpresë vitin tjetër do ta paraqesim në qeveri për të marrë pastaj një vendim”, tha ministri Çuçi.
Duke iu përgjigjur shqetësimit të fermerëve për matrikullimin e bagëtive, Ministri tha se shërbimi veterinar do të kontrollohet plotësisht nga shteti dhe matrikullat do të jenë falas. Sipas tij ligji i ri do të shkojë shumë shpejt në Parlament.
“Sistemi që zgjodhëm me klinikat veterinare ka dështuar. Do t’i prezantojë Parlamentit një riorganizim tërësor të shërbimit veterinar. Do ta kthejmë në një shërbim vertikal tërësisht të kontrolluar nga shteti në mënyrë që të rrisim përgjegjësinë. Brenda kësaj skeme padiskutim që matrikulla do të bëhet pa lekë”, tha ministri Çuçi.
Duke iu referuar dokumentacionit për aplikimin në fondet e mbështetjes së fermerëve, ministri u shpreh se procedurat janë thjeshtuar në maksimum.
“Tek Skema Kombëtare ne arritëm ta thjeshtonim dhe kërkuam vetëm NIPT-in e fermerit. Ne s’mund të japim para nga fondet publike thjesht me një letërnjoftim. Një NIPT duhet ta keni sepse pastaj hapet rruga për abuzim. Me ato para që kemi në dispozicion, ne jemi fokusuar të subvencionojmë pjesë të sektorit që krijojnë zinxhirin e vlerës”, tha ministri.
Sa i përket çështjes së pronave, ministri Çuçi përmendi ligjin e ri që është përgatitur për të adresuar këtë problem, ligj i cili po shqyrtohet edhe nga Komisioni i Venecias.
Lajme të tjera
-
Vlorë/ Rama inspekton punimet në Qendrën Multifunksionale dhe Aeroportin e ri: Ambicie të mikpresim ajkën e inovacionit! Punë ditë-natë, natë-ditë
28 Nëntor, 15:00 -
‘Veri Jug’ në Gjergjan të Elbasanit, familja Sharra mban ekonominë vetëm me 2 lopë, pa asnjë mbështetje nga shteti
17 Nëntor, 15:30
-
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
SPECIALE/ Sezoni sfidues i vjeljes së ullinjve! Mungesa e punëtorëve dhe tregu informal vendas, zhgënjimi i përvitshëm i fermerëve
26 Tetor, 16:15 -
Vlorë/ Ministrja Denaj prezanton Skemën Kombëtare të Investimeve në Bujqësi
21 Tetor, 17:05 -
Fermerët e Maliqit dyfishojnë çmimin e fasules: Këtë vit nuk morëm prodhim për shkak të motit të nxehtë! Shitet me shumicë 600 lek për kg
18 Tetor, 15:01
-
Fermerët e Kukësit kërkojnë traktorë e autokombanja! Zv/ministri i Bujqësisë: Qeveria financon 50 % të vlerës, por ka disa kritere
16 Tetor, 15:28
-
Reportazh/ Report TV me fermerët e grurit në ‘hambarin e Myqezesë’: Shteti na ka braktisur, punojmë për mbijetesë
12 Tetor, 17:21 -
Vlora nën ujë! Kolektorë të bllokuar dhe pompa të amortizuara, kush ka përgjegjësi për përmbytjet?! Çuçi: Verifikojmë çfarë nuk funksionoi
5 Tetor, 10:23 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Hapen aplikimet, fermerët 5 javë për të bërë gati dosjet! Grante deri në 50% nga shteti
30 Shtator, 15:39
-
Ndizen motorët/ Drejtuesit politikë të PS dhe PD-së dhe në 12 qarqe! EMRAT, kush do të përballen në zgjedhjet e pranverës 2025
8 Shtator, 13:16
