Dafina Zeqiri sjell për
fansat “Time Out”

Këngëtarja kosovare Dafina Zeqiri ka publikuar klipin e këngës “Time Out” , e cila ka dalë pak më parë për publikun.

Më parë ajo është shprehur e paduruar në lidhje me klipin e ri dhe ka bërë të ditur se klipi është xhiruar në Amerikë.



"Duke shikuar videoklipin tim të ri “Time Out” që u xhirua nga Max Production. Nuk më pritet që të gjithë ju të shihni atë që po shoh tani”, -është shprehur këngëtarja për klipin e saj më të fundit në rrjetet sociale.

Ashtu si edhe kënga më parë, duket se edhe klipi është pritur mjaft mirë nga fansat.



Pas publikimit ditën e djeshme videoja ka arritur mbi 46 mijë klikime.

Gjithashtu edhe komentet kanë qenë të shumta, ku përveç atyre që e pëlqejnë ka edhe nga ata që thonë se Dafina kopjon këngëtaret e huaja.

Pavarsisht këtyre ajo mbetet një nga këngëtaret me stilin më të veçantë dhe një nga më të suksesshmet në tregun muzikor.



(Blerta Tusha/shqiptarja.com)