Nafta drejt çmimit që ka qenë para luftës, nga sot do shitet me 198 lekë/litër! Ulet edhe benzina me gazin

Nafta drejt çmimit që ka qenë para luftës, nga sot do shitet me 198 lekë/litër! Ulet edhe benzina me gazin

Foto ilustruese

TIRANË- Për herë të parë që nga koha kur ka nisur lufta, çmimi i naftës është ulur nën 200 lekë. Bordi i Transparencës ka vendosur që nga sot nafta do të shitet me 198 lekë/litër, e ndërsa ulje me 4 lekë ka pësuar edhe benzina. Më konkretisht nga 184 lekë/litri që ishte, do të shitet me 180 lekë/litri. Gjithashtu edhe pas shumë kohës që ka qenë në një çmim konstat, është ulur me 1 lekë edhe gazi, pra nga 70 lekë është ulur në 69 lekë litri.

"Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 198 lekë/litri, ndërsa i shitjes me shumicë jo më shumë se 186 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 180 lekë/litri, ndërsa i shitjes me shumicë jo më shumë se 168 lekë/litër.
Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet", thuhet në njoftim.

Çmimet e caktuara nga Bordi do të hynë në fuqi nga sot, datë 7 Dhjetor dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Ministria e Financave dhe Ekonomisë thekson se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës. Kjo është edhe një përgjigje për ata që duan shkrirjen e Bordit.

Çmimet e karburanteve
Nafta       
Ishte  
206 lekë       Bëhet 198 lekë/litri
Benzina   
Ishte 
184 lekë/litri  Bëhet 180 lekë/litri
Gazi         
Ishte 71 lekë/litër     Bëhet 69 lekë/litri

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet