POP 5

Lajmet më të lexuara të 5 minutave të fundit

Sport

Dalipi “harron” Starovën: Kapitull i ri te Partizani

Trajneri i Partizanit, Klevis Dalipi, kërkon të lërë gjurmë në drejtim të të kuqve, duke krijuar profilin e tij dhe duke bërë që të harrohet Starova, i cili tashmë drejton në Kosovë.

Trajneri i Partizanit, Klevis Dalipi, kërkon të lërë gjurmë në drejtim të të kuqve, duke krijuar profilin e tij dhe duke bërë që të harrohet Starova, i cili tashmë drejton në Kosovë.

Dalipi doli sot në një konferencë për shtyp para gazetarëve, ku foli për përgatitjet e ndeshjes ndaj Laçit si dhe për lojtarët që do të hedhë në fushë. Numri një i pankinës të kuqe ka shumë besim te skuadra e tij. I pyetur për deklaratat e Starovës, Dalipi e injoroi pyetjen, duke deklaruar se nuk ka kohë të lexojë mediat.

3 ndeshje asnjë gol ndaj Laçit. Mendoni që Partizani do të jetë më sulmues në këtë ndeshje dhe do e gjeni golin?
Mos harrojmë që kemi një lojtar me shumë eksperiencë si Progni, i cili ka bërë shumë mirë këto ndeshjet e fundit. Di të ruajë mirë ekulibrat e lojës.

Por edhe dyshja e mesfushës, Batha-Mala, si dhe Asani që është një lojtar shumë i mirë që e njeh portën. Besoj që duke dhënë më të mirën këta lojtarë, pa kursyer asnjë energji, Partizani do të bëjë maksimumin për të arritur kupat e Europës.

Starova deklaroi se Partizani nuk ka ndryshuar nga ai që drejtonte ai dhe jo më kot tha që ky është ekipi më i mirë. A keni një koment për këtë?
Nuk e kam lexuar intervistën e Starovës, sepse nuk kam aq shumë kohë të lexoj mediet. Merrem gjithë kohës me skuadrën dhe jam i fokusuar te skuadra ime. Kam gjëra më të rëndësishme, në qëllimin që kemi. Duhet të fokusohemi fort te fusha e lojës. Ajo është gjëja që na ngreh lart dhe na çon atje ku duhet…

A të shqetësojnë zërat që klubi po bisedon me një trajner të huaj?
Nuk më shqetësojnë sepse dihet që në momentin që unë u emërova si trajner i Partizanit, ishte periudhë emergjence. Deshi fati apo edhe merita e lojtarëve të cilët ndryshuan një marsh dhe e çuan skuadrën këtu ku është. Puna ime apo e skuadrës do ta tregojë kush do të vazhdoj sezonin e ardhshëm.

Në qoftë se në sezonit e ardhëm do iu kërkoni të ishit zëvendës-trajner, do e pranonit?
Besoj që tashmë ka filluar një kapitull i ri dhe do të mendoj më të mirën për të bërë atë që më takon. Gjatë kohës që kam qenë zv.trajner kam pasur shumë kërkesa për të qenë trajner i parë. Kam duruar dhe kam pritur momentin tim. Ky moment erdhi dhe dua ta shijoj. Se çfarë do të ndodhë do t’ia lëmë kohës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05