POP 5

Lajmet më të lexuara të 5 minutave të fundit

Sociale

Danieli, 21-vjeçari me Sindromën Down që punon si kamarier: Jam shumë i kënaqur, njerëzit janë të mrekullueshëm

Në ditën botërore të sindromës down, Report Tv sjell historinë e Danielit, të riut që punon nga muaji dhjetor si ndihmës kamerier në një kafene në Fresk. Puna i pëlqen shumë, ndërsa gjatë këtyre muajve ka zënë dhe shumë miq të rinj.

Danielin 21-vjeçarin me sindromën Down e gjejmë duke shërbyer si ndihmës kamerier në këtë kafene në rrugën e Thesarit në zonën e Freskut në Tiranë.

Puna e re, pas asaj si kopshtar, i pëlqen shumë. Ka zënë shumë miq dhe klientët thonë se e duan shumë.

“Punoj këtu në lokal. Gjithçka në rregull. Për herë të parë kam filluar punë në dhjetor. Jam shumë i kënaqur sepse ia kam marrë dorën. Tabakanë e mbaj me një dorë. Edhe njerëzit janë të mrekullueshëm, i dua fort.”

Si në punë dhe në jetën e përditshme, Danieli është i pavarur. Nuk ka nevojë për shoqërim apo për ndihmën e dikujt. Kjo thotë ai, i ka bërë shumë krenar familjarët të cilët kanë qenë përkrahja më e madhe.

“Punoj dy orë në ditë dhe kënaqem shumë. Më pëlqen ky lokali, është shumë i madh.”

Në SNAP Atelier & Café, përveç Danielit janë të punësuar dhe të tjerë të rinj me nevoja të veçanta. Paratë e mbledhura nga xhiroja ditore por edhe nga punimet e kornizave e kartolinave, shkojnë po për personat me nevoja të posaçme.

21 marsi është dita botërore e sindromës Down, dhe në këtë datë të shumta ishin aktivitetet ndërgjegjësuese në kryeqytet, mes të cilave edhe mbjellja e pemëve e luleve në Parkun “Rinia”. Në Shqipëri aktualisht numërohen rreth 650 persona me sindromën Down.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06