POP 5

Lajmet më të lexuara të 5 minutave të fundit

Bota

Danimarka i dërgon mesazh privat mbi Grenlandën ekipit të zotit Trump

Danimarka i ka dërguar një mesazh privat ekipit të Presidentit të zgjedhur amerikan, Donald Trump, ku shpreh gatishmërinë për të diskutuar mbi rritjen e sigurisë në Groenlandë apo dhe rritjen e pranisë ushtarake të Shteteve të Bashkuara në këtë territor. 

Danimarka i dërgon mesazh privat mbi Grenlandën ekipit të zotit Trump

Foto Ilustruese

Danimarka i ka dërguar një mesazh privat ekipit të Presidentit të zgjedhur amerikan, Donald Trump, ku shpreh gatishmërinë për të diskutuar mbi rritjen e sigurisë në Grenlandë apo dhe rritjen e pranisë ushtarake të Shteteve të Bashkuara në këtë territor, njoftoi agjencia amerikane e lajmeve 'Axios' të shtunën.

Trump, i cili merr detyrën më 20 janar, ka thënë se kontrolli amerikan mbi Grenlandën, një territor gjysmë-autonom danez, është një "domosdoshmëri absolute".
Ai nuk ka përjashtuar përdorimin e mundshëm të mjeteve ushtarake ose ekonomike, përfshirë vendosjen e tarifave kundër Danimarkës, për arritjen e këtij qëllimi.

'Axios' tha se qeveria daneze po përpiqet të bindë zotin Trump se shqetësimet e tij të sigurisë mund të trajtohen pa pretenduar Grenlandën.

Një zëdhënës i ekipit të tranzicionit të presidentit të zgjedhur nuk iu përgjigj një kërkese për koment mbi njoftimin e 'Axios'.

Kryeministrja daneze Mette Frederiksen tha në fillim të kësaj jave se kishte kërkuar një takim me zotin Trump, por nuk priste që kjo gjë të ndodhte para inaugurimit të tij më 20 janar.

Kryeministri i Groenlandës Mute Egede tha gjithashtu se ishte gati të boisedonte me zotin Trump, ndërsa kërkoi të respektohen ato që i quajti, aspirata për pavarësi të ishullit. Zyrtarët danezë kanë thënë më parë se Grenlanda nuk është në shitje./VOA

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27