Danimarka kufizon protestat që përfshijnë përdhosjen e Kuranit

Qeveria daneze njoftoi se do të kufizojë demonstratat e reja të mundshme që planifikonin përdhosjen e Kuranit, të cilat kanë nxitur tensione me botën myslimane.

Disa demonstrata të kohëve të fundit në Suedi ose Danimarkë që përfshijnë djegie ose përdhosje të tjera të librit të shenjtë mysliman kanë ngritur tensione diplomatike midis dy vendeve skandinave dhe disa vendeve arabe.

”Duke theksuar se demonstrata të tilla janë në dobi të ekstremistëve dhe mbjellin përçarje, qeveria daneze synon të eksplorojë mundësinë e ndërhyrjes në situata ku, për shembull, ofendohen vende, kultura dhe fe të tjera dhe që mund të kenë pasoja të rëndësishme negative për Danimarkën, veçanërisht në aspektin e sigurisë”, shkroi Ministria e Jashtme në një deklaratë.

LEXO EDHE:
Zjarri përfshin ndërtesën historike të bursës së Kopenhagenit, shikoni videon

“Kjo sigurisht duhet të bëhet brenda kornizës së lirisë së shprehjes të mbrojtur me Kushtetutë”, shtoi ajo duke theksuar se kjo është një nga vlerat më të rëndësishme të Danimarkës.

Ministria e Jashtme daneze thekson se ”protestat kanë arritur në një nivel ku Danimarka, në shumë pjesë të botës, perceptohet si një vend që lehtëson fyerjen dhe denigrimin e kulturave, feve dhe traditave të vendeve të tjera”.

S.G/Shqiptarja.com

TAG:
• Danimarke
• kurani