POP 5

Lajmet më të lexuara të 5 minutave të fundit

Politikë

Dashamir Shehi takim me qytetarët në Kavajë: Ky qyteti s'e ka luksin të jetë azil pleqsh, më 25 prill i bashkohet marshit të fitores

Kreu i LZHK-së, Dashamir Shehi ishte sot i pranishëm në Kavajë, në një takim elektoral. Me një shënim në Facebook, Shehi shkruan se kryefjala e takimit ishte ekonomia dhe largimi i të rinjve që ka prekur edhe Kavajën.

Dashamir Shehi takim me qytetarët në Kavajë: Ky qyteti s'e ka luksin të jetë azil pleqsh, më 25 prill i bashkohet marshit të fitores

Dashamir Shehi gjatë takimit me qytetarët në Kavajë

Kreu i LZHK-së, Dashamir Shehi, i 13-ti në listën e PD-AN në qarkun e Tiranës, ishte sot i pranishëm në Kavajë, në një takim elektoral. Me një shënim në Facebook, Shehi shkruan se kryefjala e takimit ishte ekonomia dhe largimi i të rinjve që ka prekur edhe Kavajën.

"Sot pata disa takime entuziaste në Kavajë me qytetarë që nuk kanë nevojë për leksione demokracie, pasi janë injektorët e  demokracisë në vend. Kujtuam me nostalgji protestën e parë antikomuniste në 26 marsin e vitit të largët 1990, ku në stadiumin “Besa” të Kavajës,  gjatë ndeshjes me Partizanin djemtë dhe burrat e këtij qyteti ishin të parët që bënë thirrje për demokraci. Ata u përballën me ndëshkimin e egër të diktaturës, e cila e përgjaku këtë revoltë, por asgjë nuk e përkul shpirtin e lirë e fisnik të qytetarëve  të Kavajës. Ekonomia ishte kryefjalë e takimit tonë, ndërsa hemorragjia e largimit të trurit dhe rinisë ka prekur edhe Kavajën", shkruan Shehi.

Ai thotë me bindje se me 25 prill, Kavaja do t’i bashkohet "marshit të fitores", pasi nuk e ka luksin të jetë një "azil pleqsh".

"Me 25 prill Kavaja do t’i bashkohet marshit të fitores, pasi Kavaja nuk e ka luksin të jetë një azil pleqsh, por do jetë kryeqendra e investimeve në turizëm.   Kam detyrimin  si politikan por edhe si nip i kësaj treve që të ngre në parlament zërin për shqetësimet e tyre madhore", përfundon Shehi.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça