/ATSH-Megi Zonja/-Jashtë çdo parashikimi, shumë yje që pavarësisht financave të mira, kanë preferuar që dasmat t'i bëjnë me kosto të ulët. Çifti i fundit i martuar nga bota e showbizit, është  Solange Knowles dhe Alan Ferguson,  të cilët zgjodhën të bëjnë një ceremoni elegante dhe shumë të "lehtë" për nga ana financiare. Madje çifti për të vajtur në kishë zgjodhi një mjet aspak të zakontë në të tilla raste, ata vajtën tek kisha me biçikletë të bardhë.

Arsyet e vërteta i di vetëm çifti. Në vitin 2011, Paul McCartney i tha "PO" bukuroshes Nancy Shevell. Në ceremoni morrën pjesë vetëm 30 veta, ndërsa dhe darka ishte ofruar nga gazetarja Barbara Walters. 

Ndërsa çifti i fashmëm, që tashmë janë ndarë, Miranda Kerr dhe Orlando Bloom, u betuan për dashuri të përjetshme në vitin 2010. Por rreth dasmës së çiftit ka shumë mister, pasi asnjëherë nuk u mësua as vendi, as data e saktë, të ftuarit jo e jo. Kush do ta kishte menduar që një yll si Mariah Carey do të kishte zgjedhur një dasmë më kosto të ulët. Ja që edhe kjo ka ndodhur, ku në ceremoninë e çiftit kanë qenë vetëm 20 të ftuar. Edhe modelja më e paguar e vitit, Gisele Bundchen është martuar me Tom Brady në vitin 2009, në një ceremoni të thjeshtë në një kishë të vogël.