POP 5

Lajmet më të lexuara të 5 minutave të fundit

VIP & Spektakël

David dhe Victoria Beckham, së 
shpejti pronarë të një 'perandorie'

FOTO/ Kompleksi rreth 400 vjeçar do t'i kushtojë çiftit miliona dollarë...  FOTO
Ata zotërojnë një vilë 31,5 milion dollarëshe në qendër të Londrës, ndërsa pushimet e verës preferojnë t’I kalojnë në Los Angeles, por sipas thashethemeve më të fundit, David dhe Victoria Beckham, vlera e të cilëve shkon në 210 milion dollarë, i kanë vënë syrin një ‘perandorie’ 5,4 milion dollarëshe në fshat.

Burime kanë thënë se çifti po shqyrton mundësinë e të blerit një vilë feudalësh të vitit 1640 në Gloucestershire. Sidoqoftë një zëdhënës i Beckham ka thënë për MailOnline se klientët e tij nuk e kanë parë apo të kenë shfaqur interest për këtë pronë.

Shtëpia Amberley është madhështore. Ka gjashtë dhoma gjumi dhe shtrihet në 9 hektarë tokë. Kjo shtëpi mendohet të shndërrohet në rezidencën kryesore të banimit për çiftin dhe fëmijët e tyre, Brooklyn, 16,  Romeo, 13, Cruz, 10 dhe vajza Harper, 4 vjeç.

David dhe Victoria janë parë disa herë në fshat së fundmi dhe të gjithë kanë nisur të diskutojnë për arsyen e vizitës së tyre. Shtëpia është goxha e lakmuar, ka një pishinë gjigande, fushë tenisi dhe stallë kuajsh, është perfekte për familjen sportive. Ka gjithashtu një shtëpizë me dy dhoma gjumi dhe pishinë të mbyllur ku do të akomodohen familjarë ose miqtë e tyre që do t’i vizitojnë.

Sipas agjentit të shitjeve, shtëpia së fundmi i është nenshtruar një restaurimi intensiv duke u përshtatur më së miri me shekullin e 21-të, me një kuzhinë të dizajnuar nga Clive Christian, sistem ngrohjeje të avancuar dhe gjithçka që mund t’i nevojitet një familjeje moderne.

Vendimi për të blerë një shtëpi të re ka ardhur pas aludimeve se çifti po përpiqet të mbrojë martesën 16-vjeçare dhe ta shpëtojë nga një ndarje e mundshme, si pasojë e axhendave të ngjeshura dhe largësisë.

Victoria sidoqoftë ka këmbëngulur se gjërat mes saj dhe David shkojnë më së miri dhe se asnjëri prej tyre nuk ka nevojë të vërtetojë gjë. Në një intervistë për revistën Grazia një javë më parë, 41-vjeçarja hodhi poshtë të gjitha thashethemet e vazhdueshme që janë përfolur rreth çiftit.
Shfleto galerinë për foto brenda shtëpisë


 Shfleto galerinë për foto brenda shtëpisë

Redaksia Online
(m.p/shqiptarja.com)

5/4
/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48