Nënsekretari amerikan për Çështje Politike, David Hale do të vizitojë Prishtinën dhe Beogradin në fund të kësaj jave, ku sipas Departamentit të Shtetit, ai do të bisedojë me zyrtarë si dhe përfaqësues të shoqërisë civile.
Një nga temat kryesore të diskutimeve do të jetë vendimi i Kosovës për vendosjen e taksës për produktet serbe, vendim i cili ka ngjallur debate mes dy shteteve.
Në një intervistë dhënë për “Danas”, Hale është shprehur se Shtetet e Bashkuara dhe askush tjetër nuk mund të vendosin për rezultatin përfundimtar të negociatave Beograd-Prishtinë, kjo gjë mund të arrihet nëse dialogu midis dy shteteve do të rifillojë.
Gjithashtu David Hale ka theksuar se ka ardhur koha tu jepet fund provokimeve nga dyja anët, për të hequr taksën dhe për ta kthyer Beogradin dhe Prishtinën në dialogun e udhëhequr nga Bashkimi Evropian.
Sipas tij të dyja palët duhet të jenë të angazhuara për paqe pasi Amerika nuk mund të ofrojë një recetë për zgjidhjen e çështjes së Kosovës, por do japë mbështetjen totale.
Komente
Lajme të tjera
-
'Serbia të heq pengesat ose vendosim reciprocitetin'! Mustafa: Asnjë taksë nuk duhet të prishë miqësinë tonë me SHBA
27 Shkurt 2020, 23:12 -
Kurti hoqi taksën, opozita e Kosovës shpërthen në akuza: Mashtrues që po rrezikon vendin, dole i dobët
27 Shkurt 2020, 23:00 -
Paqartësitë e orës zero për taksën 100 përqind
7 Shkurt 2020, 20:54
-
'S'do hakmerremi me Serbinë, do vendosim reciprocitetin', Kurti: Mund të arrihet një marrëveshje brenda vitit
6 Shkurt 2020, 19:53
