Kampionati botëror nuk do të ketë Italinë që prej vitit të largët 1958, Suedia e përjashtoi pasi barazoi 0-0 në San Siro ndërkohë që ndeshjen e parë suedezët e fituan 1-0.

Kritikat më të mëdha kanë rënë mbi trajnerin Ventura, për zgjedhjet e tij në këto dy ndeshje katastrofike për Italinë.

Është pikërisht mesfushori shkatërrues i Romës, Daniele De Rossi, i cili duket në një video teksa i thotë trajnerit që duhet të aktivizojë anësorin Lorenzo Insgne nëse duan të fitojnë dhe e refuzon ftesën e trajnerit për të hyrë në lojë si zëvëndësues.

Në videon e mëposhtme duket De Rossi që nuk pranon urdhrin e Venturës edhe i thotë se ndeshja duhet fituar dhe nuk kemi nevojë për barazim.

“Pse duhet të hyj unë në lojë? Ne nuk kemi nevojë për barazim, por për të fituar”, i ka thënë De Rossi Venturës duke i drejtuar gishtin drejt sulmuesit të Napolit, Insigne.
 




Redaksia Online
a.dr/shqiptarja.com