Debat në Kuvend për Portin e Durrësit/ Alibeaj: Kushton 2 mld e 100 mln euro, hiqni dorë nga miratimi me procedurë të përshpejtuar! Balla: Mos i shkoni mbrapa Berishës

 

Seanca plenare nisi me debate për Portin e Durrësit. Opozita kundërshtoi që të futej me procedurë të përshpejtuar projektligji për portin e Durrësit. Në fjalën e tij, Enkelejd Alibeaj u shpreh se kushton 2 miliard e 100 milionë euro dhe kërkoi të mos miratohej me shpejtësi në parlament pa u bërë transparencë për nenent. Ndërsa kreu i grupit parlamentar të PS, Taulant Balla u shpreh se PD duhet të vendosë që të mos i shkojë mbrapa Sali Berishës.

Balla: Këtë këngë e ka nisur Saliu. Kremlini nuk ka asnjë interes për një port që të konkurrojë portet e tjera. Vlorën e kemi bërë. Atë që ka bërë PS për Vlorën, ju se imagjinoni dot. E mban mend si e latë Vlorën kur ikët nga pushteti. Hiqni dorë nga të shkuarti mbrapa Saliut symbyllurazi. Erdhi para shumë vitesh një sipërmarrës i rëndësishëm të cilit i thanë duhet t’i bësh kontratat te zyra avokatore e vajzës së Saliut. Tani çohu e më shpjego pse nuk mund të futet me procedurë të përshpejtuar.

LEXO EDHE:
Rama: Më 26 maj, takimi me shqiptarët e Italisë në Milano

Alibeaj: Po e vërtetë, mund të kërkoj projektligj me procedurë për përshpejtuar, por ka arsye më të madhe pse sillni ligjin për portin e Durrësit. Kjo i bie ta fusni në punime dhe pas 2 javësh ta përfundoni. Ta marrin vesh shqiptarët, doni të kaloni me shpejtësi të madhe projektligjin që ka 5 nene. Ky ligj kushton 2 miliard e 100 milionë euro.  400 milionë një nen dhe ju doni ta kaloni me procedurë të përshpejtuar kur sot diskutohet buxheti? Doni ta kaloni fshehurazi. Sot s’po bëni gjë veçse po prini shiritin e një afere ekonomike që shumë shpejt mund të kthehet në aferë korruptive. Askush nuk e dinë si janë bërë negociatat. Kjo nuk na bën bashkë se nuk është prona jonë, por e shqiptarëve. Duhet t’i tregoni çfarë po ndodh. Ku i lind e drejta të shesë diçka që nuk ka të drejtë ta bëjë? Parlamenti të mos e miratojë me shpejtësi këtë ligj. Qeveria të sjellë të gjithë dokumentet e 5 neneve që askush nuk i di dhe të tregohet pazari me Portin e Durrësit. Fakti që doni ta kaloni me shpejtësi, aty fshihet djalli.

Lajmi kryesor:

Marrëveshja për Portin e Durrësit futet me procedurë të përshpejtuar, opozita kundër! Rama: Investim i paimagjinuar ndonjëherë, ju jeni bedelë e të shitur

/r.k./Shqiptarja.com

TAG:
• porti i durresit
• Kuvendi i Shqiperise
• edi rama
• enkelejd alibeaj