Shqyrtimi i projektligjit "Për ratifikimin e marrëveshjes së huas ndërmjet Shqipërisë dhe BERZH" për financimin shtesë për projektin 'Përmirësimi i Sistemit të Shëndetësisë' nisi me debate në Komisionin e Ligjeve.
Kreu i grupit parlamentar të PD, Enkelejd Alibeaj renditi disa pyetje për Mira Rakacollin teksa Ministrinë e Shëndetësisë e cilësoi si "Ministri Huamarrëse". Sa i përket rritjes së pagave të mjekëve dhe infermierëve e emigrimit në Gjermani, zv.ministrja e Shëndetësisë i tha se vjen për shkak të lëvizjes së lirë.
"A mund të më thoni sa është shifra totale e huave që Ministria e Shëndetësisë ka marrë deri më tani. Kam përshtypjen që nga ministria e shëndetësisë jeni kthyer në Ministri Huamarrëse. Çdo 2 javë jeni për të marrë nga një hua. Keni parashikuar me të gjithë këto para që merrni hua të rrisni pagat e mjekëve dhe infermierëve? Shoh në materialin tuaj që keni parashikuar për këtë hua që një pjesë e tyre do të shkojë për format e komunikimit përfshirë sondazhe me qytetarët rreth shërbimeve shëndetësore. Do të doja një sqarim më të detajuar si është përdorur projekti fillestar, huaja e parë, ku ka çaluar, pse detyroheni të merrni shtesë? Sa pjesë e kësaj shtese i dedikohet rindërtohet për shkak të tërmeteve. Sa % është për rindërtimin dhe sa mbetet si vazhdim i projektit fillestar", ishin pyetjet që renditi Alibeaj.
Sapo zv.ministrja e Shëndetësisë, Mira Rakacolli nisi të përgjigjej, Alibeaj e ndërpreu duke i thënë që t'i marrë me radhë. Ndërsa Klotilda Bushka, duke u përpjekur që të vendosë rregull dhe të shmangë debatet i tha Rakacollit që të mos binte pre e presioneve. Teksa Alibeaj insistoi të dinte kur do rriten pagat e mjekëve dhe infermierëve, Rakacolli përsëriti shpesh herë premtimin që është dhënë nga Rama e Manastirliu se deri në fund të mandatit, do të rriten deri në 40%.
Mira Rakacolli: Projekti fillestar është i përmbushur.
Enkelejd Alibeaj: Të më ktheni përgjigje që nga pyetja e parë.
Klotilda Bushka: Nuk keni pse merrni asnjë presion nga kolegët, zonja Rakacolli mund të përgijgjeni si të dëshironi. Ju lutem a mund të kemi pak rregull. Nëse keni interes për çështje që të marrim të analizojmë të gjithë vitet, bëni kërkesë, merrni informacion. Këtë mbledhje nuk mund ta marrim peng. Këtu nuk bëhet debat për çdo çështje.
Mira Rakacolli: Projekti mëmë vazhdon deri në vitin 2024 ndërsa tjetri është shtesë. Tërmeti bëri dëmtime që nuk mund të përballoheshin me burimet vendore dhe as me ato të parashikuara në projektin mëmë sepse parashikoheshin për aktivitete të tjera. Tërmeti dëmtoi ndërtesa dhe aparatura. Rreth 4.5 milionë euro shkojnë për sistemin e informatizimit. E rëndësishme është të argumentojnë është çfarë është kjo hua që marrim dhe përse përdoret. Pagat e mjekëve dhe infermierëve janë rritur, deri në fund të mandatit do të rriten me 40%, por jo me paratë e kësaj huaje. Në Gjermani njerëzit nuk ikin për shkak të pagës, por mjekët gjermanë shkojnë në Zvicër e Amerikë. Pra është lëvizja e lirë e njerëzve. Nuk ja fus kot se nuk jemi këtu për lojë kungulleshkash.
Lajme të tjera
-
VanHorn takohet me deputetët Shehi, Alibeaj e Shehaj, shqetësime për zgjedhjet e 2025! LZHK: Takimi i dy Kuvendeve, pozitiv nëse s’është për qëllime elektorale
20 Dhjetor, 12:44 -
Pr/ligjet e miratuara në Kuvend/ Rimbursohen profesionistët e lirë që paguan këstet e tatim-fitimit! Ngrihet shërbimi rezervist
19 Dhjetor, 23:23 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor, 14:42 -
Konferenca e Kryetarëve debate për interpelancën e Bardhit për Ramën! Rrëzohet ngritja e Komisionit të Posaçëm 'Pakti i fëmijëve'! U kërkua nga 'Djathtas 1992'
11 Dhjetor, 13:13 -
Deputetët e 'Djathtas 1912 'kërkojnë komision të posaçëm për 'Pakt për Fëmijët'
6 Dhjetor, 14:24 -
Alibeaj në Report Tv: S’ka bashkëpunim me Berishën, PD një organizëm privat për të luftuar SPAK! Qeveria teknike? Lojë, i shiti Ramës zgjedhjet
29 Nëntor, 18:47 -
Komisioni i Ligjeve miraton nismën për Forcën Rezerviste, ministri Vëngu: Synojmë rreth 2100 deri në vitin 2030! Rezervistë edhe në diasporë, misione jashtë vendit
26 Nëntor, 16:36
-
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
Buxheti 2025 gati për votim/ Deputetët e pavarur 8 propozime! Agalliu: Më shumë para për ish të përndjekurit, të rritet fondi për pensionistët
15 Nëntor, 18:37 -
‘Tendera korruptiv në Bashkinë Tropojë’, Bardhi tek Komisioni i Ligjeve: SPAK të veprojë, Këshilli i Ministrave të shkarkojë Rexh Byberin
15 Nëntor, 12:45 -
Verifikimi i kandidatëve për zgjedhjet 2025/ Autoriteti i Dosjeve: Partitë të dorëzojnë emrat 70 ditë para
12 Nëntor, 14:09
