POP 5

Lajmet më të lexuara të 5 minutave të fundit

Kosova & Rajoni

Debate për asociacionin në Kosovë, opozita: Autonomi për serbët, Kurti do e firmosë! PDK: Draftin do ta ankimojmë në Kushtetuese

Një dokument i shpërndarë nga ish-kreu i agjencisë inteligjente të Kosovës që mendohet se është draft statuti i asociacionit të komunave me shumicë serbe, ka trazuar klasën politike të Kosovës. Opozita akuzon Albin Kurtin se po u jep autonomi serbëve në veri, ndërsa qeveria mbrohet duke deklaruar një shqetësim i tillë nuk qëndron

Partitë opozitare në Kosovë kundërshtojnë draftin e asociacionit të komunave me shumicë serbe, të propozuar nga diplomatët europianë dhe amerikanë në 21 tetor. Partia Demokratike e Kosovës  dhe Aleanca për Ardhmërinë e Kosovës janë të shqetësuara, siç thonë ato, për rrezikun që i kanoset vendit nga ky dokument.

Shkak për ndezjen e debateve është bërë një material i shpërndarë nga ish-kryeinspektori i AKI-së Burim Ramadani, për të cilin deputetët e partive opozitare thonë se është origjinali. Sipas tyre, në draft parashikohet autonomie për serbët në veri.

PDK ka paralajmëruar përmes deputetit Bekim Haxhiu dërgimin e çështjes në Gjykatën Kushtetuese, duke preferuar kështu rrugën ligjore përpara asaj të protestave, për të kundërshtuar veprimet e qeverisë. Ndërsa kreu i grupit parlamentar të PDK, Abelard Tahiri duke akuzuar Albin Kurtin për mungesë transparence ngre shqetësimin se asociacioni do të krijojë një nivel të tretë pushteti.

Më kritik ndaj qeverisë Kurti është deputeti i AAK-së, Pal Lekaj i cili akuzon kryeministrin se po krijon Zajednicën në Kosovë.

Pas reagimeve të forta të opozitës ka ardhur reagimi i qeverisë Kurti. Zv/kryeministri i parë i Kosovës, Besnik Bislimi, njëherësh kryenegociator për dialogun me Serbinë, ka thënë se shqetësimet e ngritura se po krijohet një autonomi për serbët në veri përmes Asociacionit, janë të individëve që po shpërndajnë drafte dhe jo të qeverisë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Den: 19/11/2023 15:45

    Pushta,te gjithe pushta,kendej dhe andej,Per pushtet ca me serbin dhe ca me grekun,Kur Kurti ish kunder thoni qe po na armiqësor me USA,tani qe eshte me USA thone qe po tradhton Te njejten gje bente dhe Kurti kur ishte ne opozite.Race pushtash

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Meta ironizon Bashën: Nuk fitohet duke fjetur gjumë, as duke shumëzuar 7x7=42

Meta ironizon Bashën: Nuk fitohet duke fjetur gjumë, as duke shumëzuar 7x7=42

27 Prill, 10:53