Debatet me Krifcën, Braçe në Report Tv: Nuk më intereson karrigia e ministres, duhen reforma në bujqësi, të vendoset bursa e çmimeve

 

I ftuar në Report Tv, deputeti Erion Braçe është ndalur në debatet që ka zhvilluar herë pas here me ministren e Bujqësisë, Frida Krifca. Braçe u shpreh se nuk ka asnjë interes personal, madje nuk synon as vendin e ndonjë ministri, por i gjithë shqetësimi i tij janë problematikat e bujqësisë. Sipas tij, ka ardhur koha që të merren reforma në bujqësi për ta zhvilluar këtë sektor.

“Skam asgjë personale me asnjë nga ata që janë të qeverisë, pavarësisht se kanë qenë në PS apo jo se skam asnjë interes personal. Nuk dua të jem në qeveri, as të jem ministër, nuk kam interes për karriget e cilitdo ministres, sot nesër e në vijim. Kur më kanë kërkuar që të marr përgjegjësi e të kryej detyra do i mendohem. Nuk kam asnjë interes personale. Nuk kam as tokë as para për tu marrë me këtë gjë. Nuk kam interesin e ndonjë tregtari.

LEXO EDHE:
Meta në 'betejë' me SPAK, gazetari në 'Repolitix': I ka kallur datën! Galdini: Po bëhet drejtësi e negociuar

Shqetësimi është do mbetemi këtu, këtu jemi të prapambetur apo do bëjmë kapërcimin e madh në bujqësi? Nuk bëhet pa bujqit. Kush e mendon se bujqësia nis tek përpunuesi e kanë gabim. A ka mundësi ta vëmë çmimin tani në bursë dhe çdo bujk në Francë e Spanjë do mbjellë duke ditur çmimin e vitit të ardhshëm. E kam me bujqësinë. E kam me reformat që duhen ndërmarrë në aspektin e bujqësisë”, tha Braçe në Report Tv.

Lajmi kryesor:

Braçe në Report Tv: Amnistia fiskale s'duhet të nisë pa zbatuar rekomandimet e Moneyval! Të parandalohet pastrimi i parave të pista

SI.E./LR/Shqiptarja.com

TAG:
• amnistia fiskale
• rritja e cmimeve
• çelja e negociatave
• repolitix
• Erion Braçe
• Celen negociatat 19 korrik