'Debatet Rama-Meta', Basha: Sikur 1/10 e kohës t'ia kushtonte vendit nuk do ndihej kriza ekonomike! Me batuta nuk argëton as fëmijët e vetë

Në deklaratë për mediat, Basha ka komentuar debatet e fundit online mes kryeministrit dhe Presidentit. Ai thotë se nëse Rama do të shpenzonte 1 të dhjetën e kohës duke bërë punën e tij, atëherë kriza ekonomike nuk do të ndihej. Basha thotë se Rama merr përgjegjësitë e një klouni që përmes batutash kërkon të argëtojë popullin.

"Nëse Rama do ti kushtonte një të dhjetën e kohës që harxhon për batuta të lodhura, gërr vërre me të cilat mbush ekranet, për të ndihmuar njerëzit, as ti dhe familja jote dhe as shqiptarët në nevojë nuk do t'i ndjenit efektet ekonomisë kaq shumë. Nëse do të kalonte një të dhjetën duke bërë punën e tij, pa ide dhe pa vizion duke ndjekur propozimet tona që i kemi në mbështetje me praktikat e huaja, sot shumë prej problemeve që kanë dalë jashtë kontrollit do të vendoseshin nën kontroll. 100 mijë të papunë, çfarë përgjigje ka Edi Rama? Çfarë masash ka marrë Rama për ekonominë që po kolapsohet. Këto janë përgjegjësitë e Edi Ramës pasi përgjegjësitë e një klouni cirku janë të tjera. Atij jo vetëm i lejohet por e ka për punë të bëjë klounin, të zbavisë fëmijët por ky nuk argëton dot as fëmijët e vetë" - tha Basha.  

Lajmi kryesor:

Basha akuza Ramës: Paratë i ke për kriminelë e Fierit dhe Tiranës, je i lidhur me anëtarin e bandës së Lushnjes

E.M./r.k./Shqiptarja.com

TAG:
• lulzim basha
• PD
• inceneratoret